Wp/lzz/lat/Buz’gi

Buz’gi ren buz’garepeşi (erinaceidae) familiaşen. Bobonç’vuri buz’iloni ar sort’i ren. Nanç’inerot 30 sant'imet'ro ginz’enoba uğun. Monk’anoba muşi çkvadoçkva ren; seksoba, 3’ana do na skidun sotxaniten. 500 gramişen 1.200 gramişakis iqven. 2- 2,5 sant’imet’ro k’onari na renan daz’epeşk’elen motvaleri ren xura muşi. İşumaşi xura muşi iqven murgi steri. Daz’oni burti nikten. Buçki na uğun mt’k’alepunapeşen didi ont’ulepeşakis, dido çkvaneri sotxanepes askedinen. Dido qorops t’eniloni sotxanepe. Let’aşi doloxe ontxoruten tunelepe xazirups ti-muşi şeni. Edo ekonaşis skidun.

Gyulva Avrop’aşen İsraelişakis k’arta sotxanis iz’iren. Turkiaşi k’arta t’erit’oriapesti iz’iren. Turkias na skidun buz’gişi qaliş tude, gurp’icişk’elen na ren ar sotxanis xçe leke iqven. Serişi ren akt’iuri xvalot. Gomorgvaluri t’u3anoba 4°C dereceşi tudeşa dvark’inaşi, qinoraşi onciruşa amulun. Jurşurinoba muşi 5 varna 6 dolonişi morgvalis naqonups. Ar faras sumişen ovroşakis motali dorinaps. Nanç’inerot 18 3’anaşi morgvalis skidun. Bobonç’va, pen3’o, 3’i3’i, namtini orapesti ç’it’a mtugi do 3’i3’ilapeten skidun.

Adamepes na naxondinen tetanusi coxoni ğurz’ulişa 7 şilya fara naxondineri ren. Dido ğurz’uloni na ren namtini bobonç’va do 3’i3’ilape perpot ç’opups do imxors. Turkias buz’gişi oç’opinu, hukumetişk’elen imemnuneri ren. Seksialuri menceli monz’inaps yado icerinen. Berepeşi seris oncires gepsuti oçodinaps yado icerinen. Emuşeniti Anatoliaşi namtini t’erit’oriapes xor3i muşi iç’k’omen.