Wp/lzz/lat/Besim Tibuk

From Wikimedia Incubator
< Wp‎ | lzz‎ | lat
Wp > lzz > lat > Besim Tibuk

Tibuk’epeşi ocağişen Besim Tibuk’i dibadu 1945 3’anas Vi3’eşi oput’e Pi3xalasuflas. Notamamu geç’k’apuroni dogurale Murgulis, oşka gamantana muşiti, K’arsi, Artvini do İzmitis. İdu Amerik’aşi Ok’ont’aleri Oxen3alepeşa AFS-şi bursite. Notamamu lise Amerik’aşi Ok’ont’aleri Oxen3alepes. Dimezunu Ank’araşi Universit’eşi P’olit’ik’uri Çkinapeşi Fak’ult’eşi Dip’lomat’iaşi Burmeşen 1968-s. 1964-şen 1967-şakis ixandu Oxen3aleşi St’at’ist’ik’aşi Enst’it’us. Kogeoç’k’u oxandus tercumani-rexberot 1964-s. Aşote amaxtu t’urizmişi sekt’oris. İqu direkt’ori ogzalobaşi acent’apeşa. 1971-1972-s notamamu Mağala Maktalobaşi Ust’at’oba, Maktalobaşi Ek’onomiaşi Enst’it’us. 1974-s tercumani-rexberepe oteşkilu do “Net T’urizmi” gek’idu. Net Grup’i omordinu do mk’ule oraş doloxe t’urizmişi sekt’oriş irişen didi firmapeşen arteri konoktu.

Akt’iuri p’olit’ik’a k’ala obodus geoç’k’uşi vaxtis, k’idu gamaçkumala DEM. Misia aqu emus P’art’ia Demok’rat’iaşi ağanuri ok’idus. Mk’ule orate, iqu am p’art’iaşi Mp’olişi noğaluri dudmaxvence. 26 X3ala 1994-s, manebrepe muşi k’ala naşku am p’art’ia. Liberali Demok’rat’i P’art’ia (LDP’) k’idu. LDP’-k, didi do bunduri oxen3ales vazifepe muşi var axvenen, urandumanobak oxen3aleşi zararepe monz’inaps, amukti xalk’is mağala nispet’oni xarcepe mok’idaps yado idia qu. Oxen3aleşi vazife dobadonarepeşi ek’onomik’uri do p’olit’ik’uri oxoşkvobaş oçvu ren yado iceru. LDP’-şi ok’itxuri do otenk’iduri tesirik dido p’art’ias p’ozisioni do tezi ok’ont’rolapu do oktirapu. Mara 1995 do 2002 3’anaşi 3xunas p’art’ia muşik tapala reyi eç’opuşi Besim Tibuk’ik naşku p’art’ia muşişi generaluri dudmaxvencoba 25 3’ilva 2002-s. Naşku akt’iuri p’olit’ik’a. Turkia-Grek’iaşi dostobaşa numvxacu şeni Abdi İpekçi mo3’qva do dostobaşi p’rizi niçinu. Besim Tibuk’is uqonun otxo bere.