Wp/lzz/lat/Arnavuduri nena

Arnavuduri (Gjuha Shqipe) Hindu-Avrop’a nenaluri grup’işen ren do muşeburi art xanç’ali 3’opxups. Nenamçkinepek Arnavuduri nena, Baltik’i-Slavi (yulva), Hindu-Avrop’a do Germeni (olande) nenapeşa xolosi şinupan. Arnavudiaşi Cumxuriet’iş do K’osovaşi Cumxuriet’iş resimuri nena ren. Arnavuduri nena, Arnavudiaşen met’a K’osova, Mak’edonia, Bosnia Hersek’i, K’aradaği, Yunanistani, Turkia do Bulgaristanisti iğarğalen. Mcveşi orapes İlirialurepeşi do T’rak’epeşi noğarğale, cinci muşi mek’arberi P’aleo-Balk’anuri nenapeşi tek’amuli xali yado ik’abulinen. Romaurepe k’ala k’aixeşa munasebet’i uğut’es şeni Latinuri nenaşen dido zit’a ezdimeri uğun. Edoxolo; Rumenuri, Yunanuri, Serburi, Mak’edonuri do Turkulişenti dido zit’a eç’operen. Arnavuduri nenas olande k’ele Gheg do omjore k’ele Tosk coxoni jur lehçe uğun.

Arnavuduri nenaşi maartani metni ren, 15. oş3’anuras (1462) Latinuri boncapete ç’areli oxvamuşi art met’odi. Maartani edebiuri noç’are ren, 1555 tarixoni çineri nenamçkine Gjon Buzukuşi “Meshari” (Dinuri merasimi). 1635 3’anas Frank’ Bardik maartani Latinuri-Arnavuduri zit’apuna gamoçkvu. Maartani Arnavuduri dogurale 1638 3’anas Pdhanes Fransiskenleriş k’elen goin3’k’u. 1908 3’anaşi Manastirişi Mileturi K’ongres, Arnavuduri alboni 36 boncaşen i3’opxinas do Latinuri alboni ixmarinasya do goink’vatu. 1912 3’anas Arnavudiak timoşletineroba muşi moguşi ç’aralobaşi nena o3’opxinuşi goşogorapes do xandapes manz’inu. 1952 3’anas dialekt’iuri do tarixuri goşogorape, 1972 3’anas xonarçkina, nenaçkina, zit’aş omralu do zit’aş ocincuşi dulyape ixvenu. Alboni muşis 7 xonaroni do 29 uxonare bonca uğun. Arnavuduri nenas k’oçiuri do oxorcaluri xalepe uğun. Coxoşi; sade xali, i xali, den xali, genit’ivi xali do vok’at’ivi xali uğun. Uçkineri arteri do didoteri, çkineri arteri do didoteri yado otxo xaloni tasrifi uğun.