Wp/lzz/lat/Anç'a

Anç’a, sapindaceae familiaşi acer cinsişen ca varna cap’inapeşi oşkari coxo ren. Ekseri qinoras but’k’a dobğapan. But’k’apes ginz’e qa uğun do basidi, lop’oni do bundğoni ren. But’k’apes k’arta mevsimis çkvaneri peri aqven do namtinepes mskva pukuri do xila uğun şeni p’ark’epes do ont’ulepes iskedinenan. K’urump’epes ok’odgineri goncape ya k’eremidi steri gesvareli pulepete varna galendo na iz’iren jur pulite motveri ren. Anç’apes, kianaşi t’rop’ik’uri mintik’apeş gale dido sotxanis Asia, Avrop’a, olande Afrik’a do olande Amerik’as tabiuri gont’aleri dido ç’eşidi uğunan.

Pukurepe hunsa varna oxorp’inoni renan. Mk’ule k’urump’epes dgineri varna gamak’an3’ureli ç’abaşi vazieti uğunan. Xap’iç’i do taci but’k’apes ekseri xut no3’ile uğunan. Namtine taci but’k’a çkar var uğun. Stameni 4-8 k’onari mara ekseri 8 dane ren. Ovariumi jur toloni ren. Ekseri 2 nadirenti 3 msvaloni xila moirden. Art ç’eşidişen met’a majuranepes oçimenu ep’igeik’uri ren. Xurape muşis ağan3’anapes duzi do upuruze, uk’ul3’anapes k’ut’ali t’k’va3ineri levhapepe steri t’k’ebi uğun. Didopek monç’inoraşi k’urump’i gon3’k’ips. Yebargoras yedeği madde yado nişast’a şinaxupan. K’urump’epeşi k’un3’ulis nişast’a, taneni, şekeroni madde na dobaps ç’eşidepe uğun.

Anç’apeşi dişkape ekseri monk’a, xçe do k’ap’et’i ren. Ok’oiçitaşi basidi gzaloni do goşabğeri purengepe, irişen dido 4 sirate gonzdimeri çxat’a tenape uğun. Namtinepes gurdişka uçala do mati, namtinepes ufark’oni ren. Dişkape muşi matornelobas do çkvaneri noğirape şeni ixmarinen edo namtine ç’eşidepe muşişi 3’k’arişen xususi şurubepe ixvenen. Dido te unonan. Mara gverdi landoni şart’epesti iskedinenan. Ekseri k’ai drenaji xveneri, tabiuri maddepete moşkva do kiloni let’apes k’ai moirdenan. Anç’ape ç’k’emite, puladi, kalme do tolişi aşite imralenan.