Wp/lzz/lat/Ak’rep’i

Ak’rep’ik (Scorpiones) t’u3a do t’enoni k’ortapes skidun. Muşi xura ren getrageri k’ap’et’i k’itinuri ar t’abak’aten. K’irk’oleri do jin na yulun morgvali k’udeli muşis ğurz’uloni lemşi uğun. Mem3xvaluri t’rik’oni ren. Kvapeşi şkas, k’idapeşi xut’ulapes, xomula ncapeş kerkepeşi tude do let’as na eşontxorups dexlizepeşi doloxe skidun. Mtvironi k’elepes vardo k’arta k’eles iz’iren. Xvalot skidun.

Lat’aruli ma3’k’indepeten 3’opxeri xura muşis uğun sum burme: dudi k’ala ok’ont’aleri t’ani, korba do k’udeli. 3’oxleşen k’ap’ulaşa na irden, k’un3’ulepe muşi t’k’ubi çengeloni otxo t’k’ubi t’rik’i uğun t’anis. T’anişa mek’ireli korbaşi burmesti uğun şkvit mçire ma3’k’indi. Tudenunk’uşi maartani ma3’k’indis metragoni seksobaşi gon3’k’imeroba; majurani ma3’k’indis na men3’ups do nok’uçxeni na z’irops ar t’k’ubi o3xoci organi; sum, otxo, xut do maanşani ma3’k’indepes oşvanuşi organişi tito t’k’ubi oqopinot, mtelot otxo t’k’ubi oşvanuşi xut’ula uğun.

Korbaşi burmeş k’ule, anşi m3’ule do morgvaluri ma3’k’inditen eçkinderi do ar xut’ali steri cinikişa na ak’irk’olen k’udeli muşi, k’irk’oleri ğurz’uloni lemşi muşi varna karmagi na tirups bareli ma3’k’inditen içoden. Ak’rep’ik igzalaşi, ezdips muşi k’udeli jindole. Zeni do stuna jinunk’upeşa var namxu3’en. Xuraşi çodina burme k’udeli oqopinot içkinen tina mtinot ren korbaşi burmeş na imç’ipanen geginz’aneri.