Wp/lzz/lat/Ahmet Necdet Sezer

Ahmet Necdet Sezer 13 St’aroşina 1941 tariğis Afyonis dibadu. 1958-s Afyonişi Lise, 1962-sti Ank’araş Universit’et’işi Huk’uk’uri Fak’ult’et’i oçodinu. Artneri 3’anas, Ank’araşi Hakimiş k’andit’at’i oqopinot oxandus kogyoç’k’u. Malimoba muşi Dixaluri Malimobaşi N3’opulas rezervuli ofi3ieri oqopinot qu. Dicle do Yerkoyişi Hakimobape do Mağali Maxkemeş Goşogoraşi Hakimoba qu. 3iviluri huk’uk’işi speros, 1977- 1978 3’anapes, Ank’ara Huk’uk’uri Fak’ult’et’is mağali lisansi qu.

7 Mirk’ani 1983 tariğis Mağali Maxkemeşi mak’ature i3xunu. Mağali Maxkemeşi 2. Huk’uk’uri İnst’it’ut’işi mak’ature rt’uşi, Generaluri K’omisiaşk’elen i3xunu sumi k’andit’at’iş şkaşen P’rezident’işk’elen 27 St’aroşina 1988 tariğis Dudk’anoniş Maxkemeşi asili mak’ature, Dudk’anoniş Maxkemeşi K’omisiaşk’elenti 6 3’anağani 1998 tariğis Dudk’anoniş Maxkemeşi Dudmaxvance.

5 Pukrik’a 2000 tariğis Turkiaş Na3iaşi Didi Meclisişk’elen Turkiaşi mavitani P’rezident’i i3xunu. 28 Mariaşina 2007 tariğis misia muşi doçodinu. 1964-s Semra Xanumi k’ala na içilu P’rezident’i Ahmet Necdet Sezeri ren sum bereşi baba.