Wp/lzz/lat/Ahmet K’aya

Ahmet K’aya, Turkias 1980 do 1990-oni 3’anapes gamağineri albumepe do meçameri k’onserepete çineri Kurdi mabire do mabeste ren. 28 Gimua 1957-s Malat’iuri art ocaxişi maxutani skiro dibadu. Baba muşi maxande rt’u do Sumerbank’işi mensucatiş fabrik’as ixandept’u. P’ridogurale Malat’ias ik’itxu do musik’a k’ala anşi 3’aneri rt’uşi baba muşişi hediye sazite ok’içinu. Doguraleşen genomskide orapes p’laği do k’asedişi mağazas oxandus geoç’k’u. Ocaxi muşik fuk’araloba n3’irupt’u şeni 1972 3’anas St’amp’olişi raioni K’ocamustafapaşaşa kodibarges do doguraleşen kogamaxtu. İşp’orta do çiraği steri dulyape qu. Am devres ç’it’a art noğaşen didi noğaşa dobarguşi do omxvaç’k’uşi derdepe n3’iru.

16 3’aneri rt’uşi afişi non3axu şeni molit’k’oçinu. Emuşk’ule art-jur manebre muşi k’ala xalk’uri unit’epeşi ok’oxtimaleş xandapeşa ak’atu. Am xandapeşi oras çkvaneri faaliyet’epes, gelaçamus naqonu. 1978 3’anas Gelibolus askeroba qu, em oras orkest’ras musik’aluri xandape muşis naqonu. Askerobaşen uk’uniktuşi Emine K’aya k’ala içilu do 1982 3’anas Çiğdemi coxoni k’ulani dibadu. Udulyaloba do ugeç’arelobaşi sebebite ek’onomiuro naç’iru. Am orapes çili muşik konaşku. 1985 3’anas dido obodinuş k’ule (Mo imgar bere çkimi: Ağlama bebeğim) coxoni albumi gamiğu. Artneri 3’anas majurani albumi (Ç’vinepes xenak’limu: Acilara tutunmak) coxoni albumi gamiğu. Albumi gamiğuş k’ule Gulten Hayaloğlu k’ala içilu. Gulten Hayaloğlu molaxunales go3’ok’idinuşi ceza meçameri Nevzat Çelikişi (Tanoraşi birapa: Şafak turkusu) coxoni şiiri Ahmet K’ayaşa komeçu. Tanoraşi birapa coxoni albumi 1985 3’anas ixvenu do 1986 3’anas gamiğinu. Aşote k’oçepeş k’elen k’aixeşa içinu. Artneri 3’anas (Ora mulun: An gelir) coxoni albumi gamiğu.

Gulten Hayaloğlu k’ala içiluş k’ule cuma muşi Yusuf Hayaloğlu do şiirepe muşite ok’içinu. Zit’ape muşi didote Yusuf Hayaloğluş k’elen ç’areli (Doç’k’indineri demok’rat’i: Yorgun demokrat) coxoni albumi 1987 3’anas gamiğu. 1988 3’anas (Yebdgitur: Başkaldiriyorum) coxoni albumi gamiğu. Meqoneri 1989 3’anas Resit’alepe-1 coxoni albumi gamiğu. Artneri 3’anas Osman İşmenişi gen3’uranute zit’ape muşi didote Hayaloğluş k’elen ç’areli (K’aimşine art dadali: İyimser bir gul) coxoni albumi gamiğu. 1990 3’anas Resit’alepe-2 coxoni albumi gamiğu. Artneri 3’anaşi Gimua tutas çkvaneri şiirepeşen 3’opxeri (Qoropaşi k’ida: Sevgi duvari) coxoni albumi gamiğu.

1994 3’anas p’roduksioni muşi Gulten K’aya do Yusuf Hayaloğluş k’elen xveneri (Axmet cumaşi k’aravi: Ahmet abi'nin vapuru) coxoni p’rogrami qu. Am p’rogrami arxvala 13 dolonis naqonu. Musik’aluri tarzi muşişa p’op’i, Turkuli xalk’uri musik’a do arabesk’i var itkven şeni originaluri musik’a itkven. Mara musik’aluri tarzi muşi şeni gektaluri arabesk’i vana p’rot’est’i otku k’ai var a3’onet’u. Ekseri birapape muşis cemieturi meselepe gamabirups. Eçdojur albumi muşişen arxvala Karwan coxoni art Kurduri birapa uğun do arteriti Kurduri go3’obiru uğun.

Ahmet K’aya, 16 3’ilva 2000-s (K’aite qoropelepe çkimi: Hoşçakalin gozum) coxoni albumi doloç’arupt’uşi P’arisişi raioni Porte de Versaillesis, oxori muşis gurişk’rizi ağodu do doğuru. Cenazeşi merasimi P’arisişi Kurduri Oçkinales ixvenu. 2002 3’anas Ahmet K’ayaşi birapape, 20 çinoberi mabireş k’elen (Nuquci qoropeli dobadona çkimi: Dinle sevgili ulkem) coxoni albumi gamiğinu. Oğurunale Pere-Lachaiseşis doxveri sapula muşi 2003 3’anas ağanuro gein3’uranu. 2006 3’anas (Doskidas çkimi dava: Kalsin benim davam) do (Tolepe çkimi şilya 3’aneri ren: Gozlerim bin yaşinda) coxoni albumepe gamiğinu.