Wp/lzz/lat/ჲოსტ გიპერტი

yost’ gip’ert’i

• muşebura coxo: Jost Gippert
• dob. tarixi: 12 mirk’ani, 1956 3’ana

biografia

yost’ gip’ert’i dibadu şilyaçxoroşidojurneçdovitojur 3’anaşi 12 mirk’anis almanyaşi noğa nider venigernis. 1972-1974 3’anapes marburgişi universit’es, edo 1974-1977 3’anapesti berlinişi oxoşkvineri universit’es elonzimaponi nenamçkinacoba, jap’onologia, sinologia, hintologia, xoloti slavist’ik’a, germanist’ik’a do k’lasiğuri pilologia ik’itxu. 1977 3’anas haşo ar tezi nç’aru dort’un: „hindogermanuli nenapes inpinit’iuri k’onst’ruk3iapeşi sent’aksişeni“. 1977 3’anaşendoni berlinişi oxoşkvineri universit’eşi madulye ren. 1982-1983 3’anapes vyanaşi universit’es kortuli, toxaruli do indogermanuli nenapeşi sent’aksişeni dersepe meçapt’u doren. 1983 3’anas avust’uriaşi mçkinacepeşi ak’ademiaşi farsuli k’omit’es içalişamt’u, ayni oras zal3burgişi universit’eşi slavist’ik’a do elonizmaponi nenamçkinacobaşi enst’it’ut’epes dersepe meçamt’u. 1984 3’anas hemuk xoloti kogaktu dort’un berlinişi oxoşkvineri universit’es do 1990 3’anaşakis asist’ani p’rofosorişi dulya vu dort’un. 1990 3’anas hemuk bambergişi universit’es iranist’ik’aşi fak’ult’es kogyoç’k’u oçalişus, 1991 3’anasti muşi majurani tezi doç’aru kortuli nenas sumexuri do farsuli e3xalapeşeni. 1994 3’anas mainiş frank’furt’işi universit’eşi elonzimaponi nenamçkinacobaşi universit’eşi tigemçanu divu doren do handğaşakis hek içalişams doren. 2007 3’anaşendoni frank’furt’işi goeteşi universit’eşi senat’ori ren. yost’ gip’ert’i ren 200-şen dido mçkinacuri gamoçkumuşi avt’ori.

ent’eresepe

yost’ gip’ert’i elonzimaponi nenamçkinacobaşi sp’esiyalist’i ren. heyaşi mçkinacuri ent’eresepeşa nenapeşi çkvadoçkva ocağepe amulun. hemuk hintavrup’uli nenapeşi elekt’ronuri tesarusişi oxenuşeni dido 3’anapes içalişu doren do hamuşeni dido nenapeşi metinuri veritabani xeneri uğun doren. yost’ gip’ert’is golaxtimeri oş3’anuraşi 80-oni 3’anapes k’afk’asiuri nenapeşi nç’ela avu dort’un. hemuk mcveşi, oşkenani do ağani kortuli, şonuri, margaluri do lazuri, apxazuri, adiğuri do kabardauli, 3’ova-tuşuri, çeçenuri, udiuri do xunz’uri nenapeşi jin dido 3’anapes içalişu dort’un. gip’ert’ik almanuri nenaşa goktu do yorumepe uxenu dort’un giorgi k’limovişi suparas „k’afk’asiuri nenamçkinacobaşi amaxtimoni“ (1993).

ocağuri xali

yost’ gip’ert’is uqonun çili - nenamçkinace, hintoloji, p’rofosori sonya gip’ert’-pri3i.