Wp/lus/Vanapa Hall
Vanapa Hall hi Aizawl-a vantlang inhmuhkhawmna in pawimawh tak pakhat a ni.
A lo inţan dàn[edit | edit source]
Mizoram Assembly 3-na inkhawm ṭum thumna, February ni 29, 1980-ah chuan Pu C. Vulluaia, MLA chuan Private Resolution hetiang hian a pu lut a — "He Assembly inkhawm hian, Aizawl Theatre Hall hmuna Community Hall sak mek chu Mizo zinga hmingṭha leh zahkai ber Vanapa hmingin Vanapa Hall tih ka rawt e," tiin.
He rawtna hi sawiho a nih hnuah pawm a ni.
Satu[edit | edit source]
Vanapa Hall hi Pu K. Sangṭhuama, Electric Veng, Aizawl, Class I contractor chuan kum 1979-1983-a a sak a ni a, a design-tu hi Er. Saithanzama (RIP) Asst. Architect, PWD Mizoram a ni.
Senso[edit | edit source]
Vanapa Hall sak nan hian nuai za dawn lai sen a ni. Kum 1983 September ni 24 khan hetih laia Mizoram Chief Minister Brig. T. Sailo chuan ropui takin a hawng. Engineer-te chhut dan chuan tunlai huna sak ni se, nuai sangkhat lai sen a ngai awm e. Balcony-ah seat 246 a awm a, a hnuaiah seat 617 a awm a, VIP seat 20, a vaiin seat 881 a awm. A hma (platform) dawhsanah hian seat 100 dawn lai a rem theih bawk. Ruahman dan chuan mi sangkhat leng thei tura ruahman a ni.
A ruangam[edit | edit source]
He building hi Mizoram building sak tawhah chuan a ban a la lian ber a, ban lian eng emaw zat hi ft. 12 (4×3ft)-a seiin a vêt tawk a ni. A gallery span pawh a dona ban awm lovin feet sawmruka zau niin beam pakhatah thir quintal sawmruk lai hman a ni. Thir len zawng hi 25mm (inchi khata lian) a ni. A pumpui sak nan hian thir quintal sangthum chuang hman niin, cement pawh bag sing chuang zet hman a ni nghe nghe. Hetih lai hian thir hi quintal khat cheng zathum niin, cement bag khat cheng sawmthum a ni a, misiri cheng sawmhnih leh labour cheng sawma chhawr theih a la ni.
Thulâkna[edit | edit source]
- C. Lalaudinga, Vanapa (Thangzachhinga) chanchin leh a thlàn
Zawmchhuahna[edit | edit source]
A hnuaia mi hi thulâkna bulpui ber a ni; a hnuaia thuziak ziaktu thulâkna chu a chunga kan ziah C. Lalaudinga khi a ni.