Wp/lus/Tlau
Tlau hi mizo hnampéng pakhat a ni.
Lo chhuah dàn[edit | edit source]
Tlau thlahtute hi Zathlir, Tlauhmun leh Cherhmun-ah te kum 1200-1700 AD inkâr khan an chêng ni-a rin a ni.
Tlau thlahtu chhui hlat theih ber chu Belbuana a ni. Belbuana'n Niluna a hring a, Niluna’n Chelhlova a hring a, Chelhlova’n Tlauva a hring a ni. Tlauva fate, Bualchhuaka, Bawlchhima, Vantawla, Vanlinga, Thlengngama, Chawntenga, Khukhauva te hi an thlahte’n hnam hmingah an pu chho ta zêl a. Mahse, he’ng unaute zînga pathum, Vanlinga, Chawntenga leh Khukhauva te hian thlang an rawn tlâk ve loh avângin an thlahte chanchin chhui tur a vâng hle. Midang zawng chu 1730-1807 AD vêlah Ṭiau thlangah an pém a ni.
Tlauhmun[edit | edit source]
Tlauva pa Chelhlova hi 1675-1700 AD vêlah Tlauhmunah a lal a. Mahse, amah chauhva lal lovin Zahaua nen an lal a ni. Zahaua nena an inkawp chu an inngeih ta lo va, Chelhlova’n lalna a chang ta lo va. A thih hnuah Tlauva chu Tuibual-ah a pêm ta a. Hetah hian a fa pasarihte hi a hring a ni.
Mi chak hmingthang Chula kha Tlau a ni a. Tlauva fa Bualchhuaka fa a ni.
Sakhua[edit | edit source]
Tlau hian sakhua an nei a. Chu chu Hringchung leh Hnuaipui a ni. Sial an talh chuan Sete an talh hmasa thîn a, chu selu chu hnahin an tuam a, selu phanah an târ thîn a. Chu chu ‘Setelu Fûn’ an ti. Hetiang hi Tlau sakhaw biak dân a ni.
Thulâkna[edit | edit source]
- Khawnghinga, B., History of Tlau Hnam.
- TuaiSialA, Tlau Chanchin, misual.com thuziak [[1]]
- Mizo, Angaiha, Tlau chanchin [[2]]