Wp/lus/Sazaltepa leh Bakvawmtepu

From Wikimedia Incubator
< Wp‎ | lusWp > lus > Sazaltepa leh Bakvawmtepu
Jump to navigation Jump to search
Mizo thạwnthü
Sazaltepa leh Bakvawmtepu

lemziak tàrna

Langvète

Changtupâ: Sazaltepa leh Bakvawmtepu
Langvète: Ramsaho

Thawnthu kalhmang

Misual laka phuba lâkna.

Sazaltepa leh Bawkvawmtepu hi Mizo thawnthu pakhat a ni.

Kawngpui siam[edit]

Hmänlai hian ramsa zawng zawng hi an inráwn khâwm a, "Kawngpui i siam ang u," an ti a.

Sakhi te, Sanghal te, Sazuk te, sa zawng zawng an kal a. An zingah chuan sazaltepa hi a tel ve a, mi vir tak a ni a. Kawng chu an sial fai ta hun mai a, "Kan kawng rih fai hi tuma'n tihbawlhhlawh lohvah, a tibawlhhlawh apiang chu eiah," an ti a.

An kawng rih fàiah chuan sazaltepa chu a va kal a, tlumpui hi kawngah chuan a lo bawk a. Tlumpui chu a thau avangin a mawm deuh hmùar a, ei atán a it a, tihdan tur a ngaihtuah ta a. Kalkawng chu a va tibawlhhlawh a, tlumpui chu a ei ta daih mai a. Chumi hnu chuan sa dangte chu an kawngah khan an va kal leh a, ek an hmu ta a. "Sazaltepa, engahnge kalkawng i tihbawlhhlawh ni? Kawng tibawlhhlawh apiang chu eiah kan tih kha, kan ei ngei ngei ang che," an ti a. Sazaltepa chuan, "Ka tibawlhhlawh awzáwng love, tlumpui anih kha; keiman ka hmu a, ka ei daih tawh nghe nghe asin," a lo ti a.

Bakvawmtepu nena intawh[edit]

Nimahsela an awih lova, ei chu an tum ta a; Sazaltepa chu a theihtawpin a tlan a, an um vak a. Nakinah chuan Bakvawmtepu hi a va hmu a, sazaltepa chuan, "Ka pu, min hum rawh," tiin a mangan thu chu a hrilh a. Bakvawmtepu chuan, "Ka nau awmah i awm duh ang emaw chu?" a lo ti a. "Duh e," tiin bäkvawmtepú inah chuan a awm ta a, a nau chu a awmsak ta a.

Bakvawmtepu chu nitin a feh thin a. Ni khat chu sazaltepa chuan ar hi ei atan a it ta hle a, a pu feh hlan chuan a lo ei ta mai a. Tlaiah chuan Bakvawmtepu feh chu a lo hawng a, a lo thlen veleh chuan a hnenah, "Ka pu, vawiina ka nau a tlei thei lova, ar a ngen avangin ka talh ta mai," a ti a.

Tlànchhiat[edit]

Bakvawmtepu chuan, “A pawi hlei nem, i nauvin a ngen chuan,” a ti mai a. A tukah a zuk feh leh a, a feh hlan chuan Sazaltepa chuan vawk a lo ei leh a. “Ka nauvin a ngen,” ti bawk chuan a lo hrilh leh a, Bakvawmtepu chuan, “A pawi love, i nauvin a ngen zawngin,” a ti zel a. Bakvawmtepu chu a zuk feh leh a, chumi ni chuan Sazaltepa chuan a nau chu a lo ei ta daih mai a, a tlanbo ta daih a.

Tlaiah chuan bäkvawmtepu chu a lo hawng a, sazaltepa chu a lo awm ta hauh lo mai a. Bakvawmtepu chuan a nau a lo ei a ni tih a hriat chuan a thinur nasa mai a, phuba lak mawlh a tum ta a. Sazaltepa pawh khan a chungah Bakvawmtepu a thinur nasa dawn tih a hria a, a theihtawpin a inveng ve bawk a. Sazaltepa chuan lo hi a nei ve a, chutah chuan a feh thin a ni tih Bakvawmtepu chuan a lo hria a, a thlamah chuan a lo chang ta a. Sazaltepa chu a lovah chuan a zuk feh a, ral tang chuan, “Ka thlam khu ka kohva a ei chuan mi an awm lo a nian ang,” a ti a. “Ka thlam ” a han ti vak a. Bakvawmtepu khan a thusawi kha a lo hriat avangin, “Êiaaah“ a ti ta vak a. Sazaltepa chuan mi an awm tih a hria a, a hawng ta daih a.

A tukah chuan a zuk feh leh a, thlam chhak fe atang chuan, "Ka thlam khu ka kohva a èi loh chuan mi an awm a ni ang," a ti leh ta thung a. “Ka thlam” a han ti leh vak a. Bakvawmtepu chu a ëi duh ta lova. Sazaltepa chuan mi an awm tih a hria a, a hawng leh ta daih mai a.

Bakvawmtepu chuan engtinmah a ti thei lo tih a hriatin a thlam bulah chuan sazu-ah a chang a, kua a hreuh ta a. Sazaltepa chu a zuk feh leh a, thlam bul a thlen chuan mi vir tak ngang kha a nih avangin sazu kua a hmuh chuan a lawm ta hle a. Phur em em hian a lai sauh sauh a, a han zen vei rawk a, chutah bäkvawmtepu khân a kutah a lo seh vak a, a seh hlum ta der mai an ti zuk nia!

Thulâkna[edit]

  • Laltluangliana Khiangte, Mizo Songs and Folktales.