Wp/lus/Robin Hood-a

Robin Hood-a hi hmanlai England rama suamhmang lär a ni.

A awm rinhlelhna

1882 khan Francis James child chuan a lehkhabu 'English and Scottish popular ballads' tih ah chuan Robin Hood-a chanchin hi dawt phuahchawp mai mai ani e a ti a. Mahse hemi chungchang zir chiangtute erawh chuan a tak tak behchhan engemaw nei ngei in an ring thung. Kum zabi 15 na lai bawr vel khan Robin Hood-a chanchin kimchang hi 'Lyttle Geste of Robyn Hode' tihah a rawn lang ṭan a. Hetah hian Sheriff of Notingham te,a pawl te ho 'merrie men' te,Little John te an rawn lang ṭanin mi hausa sum an rawk a, miretheite hnena an pek ṭhin thu te a rawn lang a ni.Tin an khawsakna hmun hi Yorkshire a Barnesdale ram ngaw ve niin tarlan ani bawk.

A lo lar dan

Robin Hood-a thawnthu hi kum zabi 14-na lai vel aṭanga rawn lar tan ani a, chuti anih chuan hemi hmalam daih hian a lo awm tawh anih zirchiang tute chuan an ngai bawk ani. Kum 1228 leh 1230 khan 'manorial rolls' ah leh 'local records' ah te chuan mi pakhat Robert Hood-a sawrkar laka hel a mi te rawk a mirethei te hnena pe ṭhin a awm thu ziahlan ani a-mahse hei hi a rin tlak vak loh nachhan chu khatih hun lai khan Robert Hood tih chu hming common tak mai ani tlat mai. Tin a thawnthu ho reng renga buaithlak deuh mai awm chu a thawnthu a English lal rawn lang ve te hun inkarkik lutuk hi ani. A thawnthua lal Richard (Richard Sakeibaknei Lungpu-a) rawn lang hi 1189-1199 inkar vel ami ani a. Tin a thawnthu ami tho Edward lll hi 1307-1327 inkar vel ami ani daih thung a. Tin King Henry lll kha Robin Hood-a hian a ṭanpui ni a sawi ani a King Henry kha 1265 bawr vel ami a ni daih bawk si a. A hun hi a inhne rem thei lo em em mai ani.

A nihna

Robin Hood-a thawnthu innghahna,amah ni thei awmang ta ber chu kum zabi 14 na lai vel ami Robert Hood-a, Wakefield Yorkshire a awm,1322 kum a Earl of Lancaster laka hel,an 'ramngaw dàn' a bawhchhiat vanga dan pawna hnawhchhuah leh Scots ho dona a tha a thawh ṭhat duhloh avanga a in leh lo an chhuhsak chu ani. Robert Hood-a hi a awmang fu a, tin a hunlai pawh hi lal Edward lll-a hunlai ami anih bakah an lal chanchin chhinchhiahnaah chuan lal Edward lll-a chuan outlaw rukru pakhat Robert Hood-a chu a khawnbawl atana a lakluh thu a lo inziak ve bawk ani. He Robert Hood-a hi thawnthu a Robin Hood-a an behchhan na ber niin an ngai ani.Robin Hood thawnthu ah hian Maid Marian te Friar Tuck te hi kum zabi 16 na hnu lam a phuah belh tel ve chauh an nih hmèl bawk. Mi ṭhenkhat chuan Robin Hood-a leh a pawl te hi 'gay' pawl pakhat a huhova awm,khaw chhunga an awm ve an phalloh avanga ramhnuaia khawsa ta angin an sawi ve tlat mai bawk.

Tin Robin Hood-a ni thei awm anga an ngaih leh langsar deuh dang te chu Sir Robert Thwing-a,a pawlte nen a puithiam ho awmkhawmna monastrier te suam a,an thil lak te mi rethei te hnena sem thin leh Robert Fitzhooth-a 'earl of Huntington' 1160 vel a piang a 1247 vel a thi ta te hi an ni.Historian thenkhat te phei chuan Robert Fitzhooth-a pian kum leh thih kum hi Robin Hood-a pian kum leh thih kum angin an sawi hmiah nghe nghe ani.

Thulâkna

• Baldwin, David (2010). Robin Hood: The English Outlaw Unmasked. Amberley Publishing. ISBN 978-1-84868-378-5.
• Barry, Edward (1832). Sur les vicissitudes et les transformations du cycle populaire de Robin Hood. Rignoux.
• Vahimagi, Tise (1994). British Television: An Illustrated Guide. Oxford University Press. ISBN 0-19-818336-4.

Zawmchhuahna

• Robin Hood