Wp/lus/Phekpui/Nambar

From Wikimedia Incubator
< Wp‎ | lus‎ | PhekpuiWp > lus > Phekpui > Nambar
Jump to navigation Jump to search

Nambar kan tih hi thil lenzawng, tamzawng laddt. sawina chhinchhiahna, chhiarkawp khawvel leh kan ngaihtuahnaa awm a ni a. A tak hmuh tur a awm lova, mihring ngaihtuahna-a awm, mahsé a taka hman theih si a ni.

A lo pian hun[edit]

Mihring khawvela a lo indin hnu rei taka nambar hi lo piang a ni a. Mihringten an beram leh ran ilo an chhiarna atana lungte hmanga chhinchhiah an thiam hnu fea lo piang nia ngaih a ni.

A chi hrang hrangte[edit]

Chhiarna nambar[edit]

Hei hi 0, 1, 2, 3, ... tih, thil zât chhiarna atana kan hmante hi a ni.

Ba-chhutna nambar[edit]

Hei hi 0, 1, 2, ... bakah an veilam -1, -2, -3,... te hi a ni. Ba-chhutna kan tihna chhan chu, entirnan, mi cheng 3 kan bat chuan cheng -3 kan nei tihna a ni. Chutiang zelin.

Inchherchhuan[edit]

Hei hi a chunga kan sawi pahnihte bakah nambar pum tling lo, entirna 1/2 tih te, 3/7 tih ang chite sawina a ni. A inchherchhuan vanga Inchherchhuah tih a ni.

Chhiartak[edit]

Hei hi a chunga kan sawi pathumte bakah inchherchhuan hmanga dah theih loh, entirnan π (pai) tih ang chite, √2 (pahnih zung hnihna) kan tih ang chite sawina a ni.

Ngaihruat[edit]

Hei hi a chunga kan sawite bakah i=√-1 (-1 zung hnihna) leh a+ib tia ziah theih zawng zawng sawina a ni. Entirna: 3+5√-1.

Ngaihruat tia kan sawi vangin a tak lo bîk tihna a ni chuang lo. Chhiartak kan tihte nen a tak lam a inang reng tih hriat a pawimawh.

Tlipna[edit]