Wp/lus/Mizo balhla chi hrang hrangte
Mizo balhla chi hrang hrangte chu:
Banria
[edit | edit source] Chanchin kimchang : Banria
|
Hei hi Mizote’n balhla kan tih ber ṭhin niin a lang. Tun hma lam kha chuan, kamrah mai maia ngaiin an chîng tam vak ngai lem lo va, a chîng chhunte pawhin huan sirah tlem azawng an vau lawi chauh va. Banria hi a kung a tlo va, enkawl lohva ramhnuai hnim zinga awm pawh rei tak tak a dam thei ṭhin.
Balhla kual
[edit | edit source]| Chanchin kimchang : Balhla kual
|
Mi ṭhenkhat chuan, 'Banhla kual' an ti a. Balhla kualah hian chi hnih a awm a; chumia a rah ṭha duh zawk chu, a rah, a thlar invuahna hnûn bulah hian a kawm deuh bik a, a tak chu a ngil deuh zát a; zunghrual a nei deuh bawk. Kung khat rah thlar khatah 12 te a awm deuh ber a, a thlar hi kung khat rahah chuan a tam thei vak lo va, pum 50 te awmna chu balhla ṭha tak a ni. Thlawh faia ngun taka enkawl chuan kum 7 te chu ṭha takin a chhawr theih ṭhin.
Lawng balhla
[edit | edit source]| Chanchin kimchang : Lawng balhlä
|
Hei hi balhla kung tawi a ni a, balhla kualte nen a rah chu inang tak a ni; a hmin erawh chu a eng ṭha ve lo deuh. A thlum erawh chu a na mah zawk a, a rah a tam duh thung a, bu khatah 230 laite pawh a awm thei a, pawisaa chantir chuan kung khatah a thar tam thei zawk maha ngaih a ni ṭhin.
Banpäwl
[edit | edit source]| Chanchin kimchang : Banpäwl
|
Hei hi rah lian pui pui a ni a, kung khat vuiah a tam lo hle ṭhin. A hmel îtawm ngaihtuahin a tui lo, a lai a ruh rûn ṭhin. A thlum vak lo bawk.
Banpui
[edit | edit source]| Chanchin kimchang : Banpui
|
Hei hi banpawl ang deuhva lian a ni a, a chhung erawh chu a ruh ve lo. A thlum vak lo va, banpawl ai chuan a ei tlak zawk a ni.