Wp/lus/Kawlni
Ralte hi Mizo hnam chi khat a ni.
Chanchin tlangpui
[edit | edit source]Ralte hi Lusei hnam an ni lo va, Thahdo hnam atanga chhuak an ni.
A lo chhuah dan
[edit | edit source]Ralzina’n (Ralzina hi Thahdo fapa Elmun a nau a ni) Ralhlaha leh Chawngvawna (Chawngthu thlahtu) a hring. Zaluna’n Kawlni-a leh Lelhchhun-a a hring. Kawlni-a’n Ralkhama a hring a, Ralkhama’n Zahuata a hring. (Zahuata nupui hi Siakêng hnam a ni a. Hei vang hian Siakêng chuan ‘Kawlni hi kan tute in ni e’ an ti thîn) Zahuata’n Chalbawka leh Dobula a hring. Chalbawka’n Kawltunga, Kawlvawma, Chalchunga, Chalsawpa, Chaltuma leh Chalchianga a hring. Dobula’n Renghanga, Bungsuta, Thangchhuana a hring. He’ngho hian thlahtu hming an pu ta zel a ni.
Renghanga thlah atangin Rengsi leh Rengngo an lo chhuak a. Chalbawka thlah atangin Chalchung, Chalsawp, Chaltum, Chalchiang, Kawltung leh Kawlvawm te an lo chhuak a. Kawlni hnam pêng pawh sawmhnih aiin an lo tam ta hial a ni.
Kawlni hnama lal hmasa berte chu Zahuata fapa Chalbawka leh Dobula an ni a, Chalbawk hnam hi Kawlni lal hnuhnung ber an ni bawk.
Hnam péngte
[edit | edit source]Kawlni hnam pêngte chu Chalbawk-(Chalchung, Chalsawp, Chaltum, Chalchiang, Kawltung, Kawlvawm), Doubul- (Bungsut, Thangchhuan, Renghang, Rengsi, Rengngo), Arte, Chuangeng, Lawisut, Helhlah, Thasum, Saphaw, Uikhawl, Khonghawr, Baleng, Hlamvel, Thangkawp leh Holut te an ni a. A vaiin 24 a ni.
Thulâkna
[edit | edit source]- Zawla, K., Mizo Pi Pute leh an thlahte chanchin