Wp/lus/Ka pianna Zoram nuam

Ka pianna Zoram nuam tih hi Pu Rokunga hla phuah lär berte zinga mi a ni.

A hlä

Lentupui kai vel leh romei chhumin,
A bawm kan Zoram mawi leh duhawm;
Awmhar tinkim dàwna han thlìr vêlin,
A mawi zual, Zofate kan lènna.

A thuhawn:
Chung Pathianin min hualhim zël rawh se,
Hawihkawm lenrual zawngte nèn hianin;
Suihlung rualtea kan lènna parmawi,
Vul reng rawh, ka pianna Zoram nuam.

Suihlungrual tëa kan lènna hmun mawi,
Cham reng rawh, zamual chu liam lul suh;
Engtiknge sappui nun ngai lo rëngin,
Ka nghâkhlel, kan lènna hun tùr chu.

Tünah dorál lian chhüm ang zíng mah sé,
A la kiang ang hnamtin rùmna hi;
Hnamtin lungruala dár ang lènna tùr ni,
A herchhuak ang chung Pathian zárah.

Dorál lian chhümpui zíng a kian hun chúan,
Rúal duh kan ṭhen tâkte nèn khánin;
Hlim leh läwmin kan insuihkhâwm leh ang,
Zoram nuam, kan pianna ram ngèiah.