Wp/lus/Chite luipui
 En bawk la : Chitë (lui)
|
Chite luipui tih hi Pu Rokunga hla phuah, Aizawl khaw sira luang Chite lui a phuahna a ni a.
A hlä
[edit | edit source]Zawlkhaw sira luang dèl dèl Chite luipui,
A lo luanna Zawlkhaw lamphei saw hmàra'n;
Damte'n luang del del zel e chhimtual panin,
Ṭiaupui hmingthang lènna vàngkhua fin tùrin.
Fiara tui thiang tê luang dèl dèl,
Léngi nena luia lengngha kan chhàina;
I sirah thing leh maurua an zing riai e,
Luang dem dem rawh piallei a ral hma loh chuan.
Kumsul vei tukram ṭuan kan rel chang nia,
Turnipui sa hrángvụng hnüaia kan dàwn ṭhin;
Kan thlawh sàwmfáng kan zawh tluang kaina nuamah,
Luang reng rawh, lungrualpui nèna ruang bualna.
Ṭhal rum laiin va tinréngin an dàwn ṭhin,
Lungrùalpui nèn süara lengngha kan danna;
Ëng siauvin ṭhal-favàng ni ëng päwl riaiin,
Nung tinréngte làwma'n a rawn chhun ëng a.
A lui dung cham dèl chhawrthlapui ëng hnuaiah,
Kangkang chhimbuk thangfèn zai te'n lo awi e;
Lung tiléng zualin kiva hräm thïam zái nèn,
Sen siarin chhawrthlapui ëngin a rawn chhun.