Wp/lus/Chhakchhuak

Chhakchhuak hi thlahtu hming a ni lo va, thlangtla hmasa an unaute’n ‘Chhaklamho’ ti-a hming an lo puttîr avângin thlang an tlâk ve hnuah Chhakchhuak an ti ta a. Tiau thlanga chher thar a ni.

Lusei thlahtu ni-a sawi, Luseia (a pa chu Thlahpaa ni-a sawi a ni) khan Lamlira, Sumhauva, Tochuanga leh Thangpuia te a hring a. Lamlira’n Sumpuia, Sumpuia’n Seipuia, Seipuia’n Mauva (Lianmauva) a hring. Mauva’n Tlatea leh Khirhtea a hring a.

Tlatea’n Hualthana leh Neihhrima a hring a. (Khirhtea’n Ngalsia, Baichia leh Phungchia a hring). Hualthana chuan Hualngova, Hualhanga leh Hualhnama a hring a. Neihhrima’n Lalluna, Chalchhunga, Fangtea leh Ngalchhunga te a hring. Mauva thlah chhâwng intelkhâwm hi Chhakchhuak tih an lo ni ta a ni. Chhakchhuak chi pêng hrang hrang te:-

1. Hualngo: i) Bochung. ii) Cherput. iii) Chalthleng. iv) Khupno.

2. Hualhang: i) Chalbuk. ii) Chumkhal. iii) Taihlung. iv) Chertluang. v) Sialchhung.

3. Lunkhua: i) Lallun. ii) Chalchhung. iii) Fangte. iv) Ngalsi. v) Baichi. vi) Phungchi, adt.

Lunkhua hi Neihhriam fa, Lalluna’n khua a sât a, Luna khua tih a ni a, a hnuah Lunkhua an ti a, an hnam pawhin Lunkhua a pu hlen ta a ni.

Thulâkna

• Zofate thu hla, L.K.Liana