Wp/lus/C.F.L. Hmingthanga

Add links
From Wikimedia Incubator
< Wp‎ | lus
Wp > lus > C.F.L. Hmingthanga

C.F.L. Hmingthanga hi Mizo zaithiam hmingthang leh lengzem hla tam tak phuahtu a ni.

Pian leh murna[edit | edit source]

Kum 1970, November ni 15-ah Samthang khuaah a piang a. An unau hi 6 niin, mipa 3 leh hmeichhia 3 an ni. Amah hi a naupang ber a ni. An khua Samthangah hian seilian chhovin, an inpui ber pawh a la awm a. Mahse amah hi hmun hrang hrangah a khawsa kual thin a, Aizawl lamah hian a khawsa tam hle. A nupui Zonunsangi nen hian fa 1 an nei a ni.

Zai lam[edit | edit source]

Amah hi mi lungleng thei mi tak a ni a. Naupang kum 15 vel a nih atanga zai chho tan tawh a ni a, chutih lai te chuan an khaw chheh velah te chuan a lar fu tawh a ni.

Lar chhoh ṭan[edit | edit source]

Zoram pum huapa a rawn lar chhoh takna chu kum 1993, June thlaah, A cassette Volume – I, ‘Ngaihlai Masang’ tih, Vulmawi Recording, Pu R. Lalruanga’n a released sak a, chu a cassette chu a hit chho hle mai a. Mite duh chi tak hla a lo ni hlawm a. A hralh pawh a tla hle. Cassette hrang hrang siam chho zelin, Zoram dung leh vangah a hla sak apiang chu a lar hneh emem vek mai a, Radio-ah hla thlan hun luah tam pawl tak a ni. Khawpui lam ai mahin, thingtlang lam mite’n an duh zual emaw ni chu aw a tih theih.

A hla larpui ṭhenkhat[edit | edit source]

A hla sak lar chhoh tlangpui zingah chuan heng, Ngaihlai masang (Vol-I), Roosna hmeltha (Vol-II), Intawng leh ngei ang aw (Vol-III), Ka lung a leng mang e (Vol – VI), I tan ka lo kir leh (Vol- VII) tih te hi an tel a. Radio (AIR) ah hian kum 1994 atangin hla a record tan a, tunah chuan 32 vel zet a record tawh. Lengzem hla lam hi a special-na ber a ni a, a sak ber pawh a ni. A aw hian lung a tileng em em mai a,a thinlung taka a han zai tak tak hi chuan hmeichheho hian an tuar zo ta thin lo a ni ber. Lunglai a fan rawih rawih thei a ni. Radio Artist ah hian ‘B’ High Grade a ni.

Hla phuah lam[edit | edit source]

A hla sak te hi ama phuah deuh vek a ni a, Cassette Vol-I atanga X thleng a siam tawhah hian ama phuah deuh vek a sak avangin hla 100 chuang zet chu a phuah tawhin a lang. A cassette siam tawhte chu :

  1. Ngaihlai Masang
  2. Roosena Hmeltha
  3. Chhânlet loh Hmangaihna
  4. Kũr diam diam
  5. Min hriatchhuahtir
  6. Lâm dun ang aw
  7. Tunge hmeltha ber
  8. Hlim la, nui rawh
  9. Hla inchhang special 10.Lemchanna Khawvel

Heng a cassette siamte hi kum 1993-2000 inkara a tihchhuah vek an ni.

A hlate[edit | edit source]

C.F.L-a hla thenkhat han tarlang ila:-

  1. Bawihte nangnen
  2. Chhan let loh hmangaihna
  3. Chhuahtlang hmun hlui
  4. Duhaisam a kim
  5. Dawn tisei
  6. Hmangaihna rose par
  7. Hmangaihin hmangaihna
  8. Hmangaihnaa phuar
  9. Hmangaih CFL
  10. I mawi chuang e
  11. Intawng leh ngei ang aw
  12. I tan ka lo kir leh
  13. I tlai lua
  14. Ka star no.1
  15. Ka D tawn hun tur
  16. Ka lung a leng mange
  17. Kan duhaisam
  18. Ka nau vala
  19. Ka thian ngaihawm
  20. Ka thianghlim tawh lo
  21. Khuavang kallai
  22. Khuavang chhinchhiahv
  23. Kan hlim laini
  24. Ka hmangaih ber i ni
  25. Lanu lungmawl
  26. L.D.Hmeltha
  27. Min kal san suh
  28. Min thlahliam ang che
  29. Mitthla alang hlimthla
  30. Muttui mangtha
  31. Min hriat chhuahtir
  32. Nang chauh ka hmangaih che
  33. Ngaihlai Masang
  34. Phu loh ‘D’ chhai zawng a ho mai mai
  35. Phu loh dawn thar
  36. Rauthla ‘D’
  37. Thang nuihiauvi
  38. Tawn ni i awm si lo.
  39. Then che ka hlau ber mai
  40. Then lohna ram
  41. Tah loh mittui tlak
  42. Valtin lawri
  43. Zo nun mawi
  44. Zawlaidi
  45. Zokhaw tleitir
  46. Kur diam diam
  47. Roosna Hmeltha

Thulâkna[edit | edit source]

Retrieved from "https://incubator.wikimedia.org/w/index.php?title=Wp/lus/C.F.L._Hmingthanga&oldid=5038923"