Wp/lus/Ţhenphunga Sailo
 En bawk la : Mizoram hruaitute
|
| Brig Ṭhenphunga Sailo | |||||
|---|---|---|---|---|---|
<spant style="font-family:Segoe script;">Brig Ṭhenphunga Sailo thlalâk i neih chuan rawn thawh la kan läwm hlë ang
| |||||
| A chanchin tlangpui | |||||
| Hming | Brig Ṭhenphunga Sailo | ||||
| Pian kum | Kum 1922, pawlkût thla ni 1, pathianni | ||||
| Sülhnu lam | |||||
| Chawimawina | Kum 2011, Vanglaini Mizo Award | ||||
| Hriat hlawhna ṭhenkhatte | |||||
| Mizoram Chief Minister hmathlìr nei ṭha | |||||
Pu Ţhenphunga Sailo (1922- ) hi Mizoram Chief Minister hlui, PC Party hruaitu a ni.
Pian leh murna[edit | edit source]
Pu Ţhenphunga hi kum 1922, Pawlkut thla ni 1-ah Ţhuampui khuaah a lo piang a. A pa hi Sailo lal, Vanchheuva niin a nu hming chu Hrangvungi a ni. Naupang lehkhathiamthei tak niin Lunglei-a Serkawn ME School-ah a kal a, Ekzampuiah Serkawn ME School aţanga ekzamin Mizoram pumpuiah pakhatna a ni[1] .
Zirna sang zâwk[edit | edit source]
Kum 1937 aţanga kum 1940 thleng kha Shillong-ah High School a kal a. Hemi hnu hian Serampore College-ah lutin kum 1941 khan a zir zo va. Hetih hun lai hian a naupan lai aţanga nih a tum ber Chhiarkawp Professor ni ngei turin a inzir a ni. Amaerawhchu Indopui Pahnihna a lo chhuah tâk si avangin kum 1942 khan Intermediate Science (ISc) a zir chu bànsanin IInd Lieutenant dinhmunah British Army a zawm a, Mizo zinga sipai officer hmasa ber a ni.
Kaisàn[edit | edit source]
A hnathawh ţhat avangin kum 1960-ah Lieutenant Colonel-ah a kaisang a, a hnu kum thum lekah (kum 1963) a hnathawh ţhat avang bawkin Colonel-ah hlankai a ni leh nghâl a. A hnu kum thumah vëk, kum 1966 khan Brigadier-ah kaisantir a ni leh a, chubâkah sipai chawimawina sang AVSM a dawng bawk. Hetih lai hian kum 44 mi chauh a la ni.
Chawlh[edit | edit source]
Mizote zinga Brigadier hmasa ber a ni a. Kum 32 zet rinawm taka sipai a nih hnu hian kum 1974-ah sipai aţang chuan a chawl ta a ni.
Mimal chanchin[edit | edit source]
Sipai huaisen leh entawntlâk chungchuang a ni a, hun vawn dik kawngah a kherkhiap hle. Hei vang hian sipai dawizep leh inthlahdah deuh chuan a hnung zui an hreh thei viau.
Sipai rinawm tak a ni a. Hemi tichiangtu chu an inneih nia thawmhnaw pangngai, sipai inthuamna ni lo a lo nei lo kha a ni.
Kum 1946 khan Pu PS Dahrawka fanu Thansiami chu nupuiah neiin fapa 3 leh fanu 1 an nei a.
Sipai aţanga a chawlh hnu khan Shillong-ah inbenbel a tum a. Amaherawhchu hetihlai hi Mizoram buai hunlai a ni a, Mizo mipuite thlamuan turin Mizoram lam a pan ta zâwk a ni. Hemi atan hian Human Rights committee a din.
Politika luh[edit | edit source]
Ţau thla ni 17, 1975 khan parti thar People's Conference a din a. Hei hi a hlawhtlinpui chho viau va, kum 1978 Nikir thla ni 2 aţanga chumi kum vëk Sahmulphah thla ni 10 thleng kha Mizoram Chief Minister a ni a. Hemi hnu kum 1979 Ţomir thla ni 5 aţanga kum 1984, ţomir thla ni 4 thleng khan chief minister a nih chhunzawm leh bawk.
Hemi hnu inthlan thar, kum 1984 inthlanpui khan an parti chu tling tawh lo mah sé MLA-ah amah chu a la tling zèl tho va. Inthlan leh, kum 1988 pawh khan MLA ni tura thlan tlin a ni leh tho va. Hemi hnu rei tak, kum 2008 inthlan pawh khan Aizawl West II bial aţangin MLA ni tura thlan tlin leh a ni.
Chawimawina[edit | edit source]
Kum 1999 khan vantlang tana a hnathawh ţhat avangin Padma Shree pêk a ni.
Mizoram chief minister ni tawh zingah hmathlir mumal tak nei awmchhun a la ni tih theih a ni a. A hmathlirte hi tipuitling vek hmanin khawsa lo mah sé, a hmachhawp te hi Mizo mipuite tana chhenfâkawm tak leh mizo ţhangtharte'n an theihnghilh ngai loh tùr thil ropui a ni hlawm. Hemi hi ngaisangin Vanglaini chanchinbu chuan kum 2011 Mizo Award a hlan a ni[2].