Wp/lua/Dikù

Diikù didi nsangilu wa bantu badi ne mashi amua,bantu badi ba fuma anyi badi balela kudi muntu umua;tshidi kabidi bantu badi baselangana ne basomba kaaba kamua anyi munzubu umua, emuemu mudi Taatu, Maamu, ne Baana.Tshidi kabidi sangilu wa bantu badi ne nkambua umwepela.

Dîku didi nshindamenu wa bulongame bwa bantu ne didi dileja kasumbu ka bantu ka kumpala kadi kalombola ne kalombola kudi bantu bakuabu ne bibambalu. Bidi bienza kudi bantu, anyi bungi kampanda bua bisumbu bia mu nzubu bidi bipetangana ku ndelanganyi (mileja anyi mimanyishibua) kudi nkambua umue, dibaka, diangatshibua anyi tshipungidi.

Mu ngumvuilu eu, muaku eu udi unyanguka ne wa tshisa. Mu dîku, kudi misangu yonso tshitupa kampanda tshia bulela. Bena mu diku, pa tshibidilu tatu, mamu ne bana ne ndelanganyi yabu, batu pa tshibidilu ne dina dia dîku dia muomumue, dipiana kudi bankambua babu.

Dîku didi mu buobumue kudi malanda a bungi adi mua kulama benamu mu bikadilu, mu bintu ne mu nsombelu wabu mujima ne mu bipungu bia bantu.

Bilondeshile mumanyi wa malu a bantu Claude Lévi-Strauss, dîku didi ku mutu kua bionso bulongolodi bua malanda, bulongolola bua se: muntu yonso wa kudibu ikale ne mudimu wende bilondeshile bakuabu. Kudi bulongame, nansha budi kabuyi bumueneka, mu diku, nkayabu budi bufumina ku ndongoluelu wa bipungidi bia kumpala.