Wp/lou/Alsé Fortyé
Alsé Fortyé (ékri Alcée Fortier en fransé é nanglé; 5 jwin 1856 - 14 févryé 1914) té in lingwist kréyòl. Li éné dan Parwas Sin-Jak dan labitasyon a sô famiy, ayou yé té konné fé rékòlt dikann. Sô famiy té habité Lalwizyann dèpi tem koloni é yé vini moun importan dan lososyété.
Kan Fortyé té piti, Lagè Konfédéré komensé. Lagè fini, sô famiy pèrdi yê larjen é yé trouvé difikilté viv san manœv yê ansyin zésklav. Dan tem-la Fortyé sorti lékòl é parti pou Virjini pou étidjé a linivèrsité, mé li té bezwin rentré dan Lalwizyann akòz li té malad malad. En 1880, li vini profèsèr koté Linivèrsité Lalwiyann, ki vini Tulane University pli tar. Li komensé fé réshèsh pou langaj kréyòl épi fransé,spanyol é dòt langaj. Li byin konné paské li té ékri Louisiana folk-tales, in French dialect and English translation.