Wp/lkt/Lakȟóta Oyáte

Lakȟóta kiŋ ikčé wičháša oyáte héčhapi. Mnišóše kiŋ iwíyoȟpeyataŋhaŋ, Pȟaŋkéska wakpá iwáziyataŋhaŋ na Íŋyaŋ Wakáǧapi Wakpá ítokaǧataŋhaŋ oúŋyaŋpi. Lé makȟóčhe kiŋ watóhaŋlšna "oyúblaye tȟaŋkíŋkiŋyaŋ" eyápi. Wašíču kiŋ hiyúweǧapi šni haŋtni Lakȟóta kiŋ ptéȟčaka optáye otȟáb iglág ománipi s’a.

Lakȟóta oyáte kiŋ ošpáye šakówiŋpi. Lená é:

• Húŋkpapȟa
• Sihásapa
• Oóhenuŋpa
• Itázipčho
• Mnikȟówožu (nakúŋ Hoȟwóžu ewíčhakiyapi)
• Sičháŋǧu
• Oglála

Eháŋni Lakȟóta kiŋ nakúŋ Thítȟuŋwaŋ eíč’iyapi. Húŋkpapȟa na Sihásapa na Oóhenuŋpa ošpáye kiŋ hená wazíyata oúŋyaŋpi, ho na Sičháŋǧu na Oglála kiŋ hená itókaǧata iglág ománipi. Mnikȟówožu kiŋ iyókogna úŋpi.

Leháŋl ošpáye šakowiŋ kiŋ lená oyáŋke záptaŋ othípi.

• Íŋyaŋ Woslál Háŋ: Húŋkpapȟa, Sihásapa
• Wakpá Wašté Oyáŋke: Mnikȟówožu, Sihásapa, Itázipčho, Oóhenuŋpa
• Sičháŋǧu Oyáŋke: Sičháŋǧu
• Wazí Aháŋhaŋ: Oglála
• Khulwíčhaša Oyáŋke: Sičháŋǧu (Khulwíčhaša)