Wp/lkt/Khukhúše

Khukhúše (thiwáhe: Suidae) wamákaškaŋ héčhapi. Khukhúše očháže kiŋ ótapi naháŋ tȟoká k’uŋháŋ Hasápa Makȟóčhe kiŋ é na Pȟečhókaŋ Háŋska Makȟóčhe etáŋhaŋpi^[1] Waná khukhúše kiŋ ówaŋčaya oúŋyaŋpi. Khukhúše huŋȟ waniyáŋpi héčha naháŋ wóyutewičhayapi. Khukhúše tȟálo (wašíčuyapi: pork) eyápi. khukhóše čhosyápi (wašíčuiyapi: ham) naháŋ khukhúše wašíŋ (wašíčuyapi: bacon) kȟó khukhuše úŋ wičhákaǧapi. Naháŋ enágna khukhúše há etáŋȟaŋ theȟpí káǧapi. Khukhúše watȟógla iŋš-eyá ótapi naháŋ owé tȟoktȟókeča óta yútapi kte. Khukhúše wóyute awígnipi naháŋ čhaŋwápe, pȟeži, wanáȟča na watȟókeča yútapi, eyáš watóhaŋlšna tȟálo kȟó yútapi kte.

Etáŋhaŋ

↑ Giuffra, E; Kijas, JM; Amarger, V; Carlborg, O; Jeon, JT; Andersson, L (2000). "The origin of the domestic pig: independent domestication and subsequent introgression". Genetics. 154 (4): 1785–91. PMC 1461048 Freely accessible. PMID 10747069.

[1] Giuffra, E; Kijas, JM; Amarger, V; Carlborg, O; Jeon, JT; Andersson, L (2000). "The origin of the domestic pig: independent domestication and subsequent introgression". Genetics. 154 (4): 1785–91. PMC 1461048 Freely accessible. PMID 10747069.

[1]