هانا ی یا رحیم یا رحیم هانا فرد بی همتا سرٌ پوش دانا
قدرت نما کر قَدرت نمانا قطرات امطار نه ارض فشانا
ریژان کرم ویت سراپاکر نیم نگا وه عرض جهان بینا کر
کله باد هانای چه وخت لنگن زمین چون عرصه میدانان تنگن
بشکاوان ژه هم وه حکم بادت وه دم مسیح باد مرادت
صحرا و سرزمین کول سفید پوشن چون کوره ی حداد آوان بجوشن
باخان ویرانه بلبلان خاموش زمین ژه کوره سرما ها وه جوش
سران سرٌ منه ن ژه دیر آمانت کووه ن طنطنه ی سپا و سامانت
ور کرو ژیر بند ایلاخانه وه تربت افشان کر وه داخانه وه
یغما کر کاوان سر کوی نساران ویت نمایان کر وه سر دیاران
بشیون سپای جم بسته ش ژه هم کاوان برآور ژه خمخانه ی خم
به پیک نه باخان مسیحا دمدم ژه هم شکاف در گل غنچه ی مریم
کله باد هانای نمه م های وه کو قسمت مه ده م وه شای نجف کو
عرضه ی ذلیلی کمینه درگاه قبول بو ژه لای شای نجف ماوا
به رانه وه تاو باد بهاران رحم بکه وه حال زار و نزاران
هانا ی یا رحیم یا رحیم هانا فرد بی همتا سرٌ پوش دانا
قدرت نما کر قَدرت نمانا قطرات امطار نه ارض فشانا
ریژان کرم ویت سراپاکر نیم نگا وه عرض جهان بینا کر
محمود پژمرده و کلب درگای تو
ژه رای شفقت عرضش قبول بو http://akbarg.blogfa.com
