Wp/lki/محمود قبادی

From Wikimedia Incubator
< Wp‎ | lki
Wp > lki > محمود قبادی

پیری[edit | edit source]

هانای عزیزان پریشان حالم     جواب دی نمه ی کس وه سوالم
ژه دس پیری باید بنالم     ژه ضعف اعصاب رو وه زوالم
جویا دی نماو کس ژه احوالم    چوی مرخ زخمی شکسته بالم
مرگ داویم خوه ر پنجا و پنج سالم     قلاب گیر کرده ن ئو وه دوالم
آغشته وه خم که ردن خیالم            گل آلود بیه ،فکر زوالم
قدر سای شباب وینه ی نهالم     ایسا خم هورده به وینه ی دالم
سپرده ن وه دس عدم کمالم     لیمو رنگ بیه حسن جمالم
دائما ضعیف وینه ی هلالم     اگر که هرکول یا نوه ی زالم
کاری سوا مکم یاوار بطالم      یاران مدامن یسه روالم 
نحیف و رنجور خیلی بدحالم    دچار هذیان یاگه تب خالم
الحق گه پیری گرتیه سی حالم    وه طناب خم بستن دو بالم
سرای گل و سنگ میو وه مالم    ار طولانی بو عمر صد سالم
اهل بلف نیم ئر وژ بنالم      بوشم دانشور صاحب کمالم
محبوس پیری وه سیاه چالم     دگرگون بیه فکر و خیالم
وه بیشه حرمان زار و بد حالم    همراز و همدم زوزه ی شغالم
تصمیم ناقص نخشه ابطالم     یه بیه وه کار هر ماه و سالم
تو ارا پیری بپرس احوالم    کی دی مه در قید مال و منالم
اگر در تلاش اخذ کمالم     گدا وه درگاه حی دادارم
پراکنده فکر آهو خیالم   گاگا وه جنوب گا وه شمالم
هروقت که لحد بیو وه مالم   ئوسا خاموشم دی نمنالم
محمود ژه پنجا گذشته سالم    ترسو و خائف مه ژه اعمالم

بنچةک[edit | edit source]

https://web.archive.org/web/20160428213306/http://mahmodly.blogfa.com/