Wp/ljp/Selat Sunda

Selat Sunda iyulah selat say ngehubungko pulaw Jawo rik Sumatra di Indonesia, serta ngehubungko Lawok Jawo rik Samudra Hindia. Selat Sunda letakni di bagian selatan Kegubernuran Lampung rik di bagian barat Kegubernuran Banten. Pada titik paling sepik, berak Selat Sunda sekitar 30 km gawoh. Pira pulaw lunik say letakni di selat hinji, di antarani yado gugusan-gugusan pulaw vulkanik Krakataw say kuruk di lom wilayah Kebupatiyan Lampung Selatan, Kegubernuran Lampung.

Sebagay salah say jak ruwa lintasan utama say ngalir jak Lawt Cina Selatan tigoh Samudra Hindia (say munih yado Selat Malaka), Selat Sunda ngerupako jalur pelayaran penting. Najin bahaya macam sepikni selat rik batu karang ngancam, berak Selat Sunda lebih rebah jak Selat Malaka tigoh kapal say bulayar di ja lunik kemungkinanni tehadang jama bajak lawt.

Pada awal 1942, di Selat Sunda wat pertempuran antara pasukan Jepang say dipimpin jama Laksamana Ngura Kenzaburo Hara say menenggelamko kapal penjelajah Sekutu USS Houston rik HMAS Perth saat keruwa kapal sina cuba ngehadang pendaratan pasukan Jepang di Jawa.

Dimulay jak awal tahun 2010, pemerintah Indonesia kak mulay ngelakuko studi kelayakan guway pembangunan jembatan say haga melintasi selat hinji, yado pembangunan Jembatan Selat Sunda.