Wp/ljp/Lamban pesagi
Lamban Pesagi
Lamban pesagi ngerupako lamban adat Lampung Pesisir. Lambanno rettini yakdolah rang budiom, sedangko pesagino yakdolah maksudni persegi atawa segi pak, ulih denahni sa bubentuk segi pak. Lamban sinji buasal anjak Pekon Kenali, Kecamatan Belalau, Kabupaten Lampung Barat.
Gelar, makna, rik simbol sai wat di Lamban Pesagi
[edit | edit source]Lamban pesagi dibangun budasarko perhitungan sai matong, yakdolah pakai nyesuaiko jama lingkungan sekitarni rik dibangun budasarko kearifan lokal sai nyesuaiko jama kondisi alam di ipa lambanno tibangun. Lamban panggung sinji yakdolah wat pepira unsur, antarani iyulah:
- Buh lamban: bagian bah lamban. Tumbai sa bagian sinji dikosongko ulih tujuan tibangunni lamban panggung sa yakdolah nyin penungguni mak kena serang binatang buas anjak pullan gegoh limawong atawa ulay balak. Kidang tanno sa lamon ulun sai ngejadiko bagian bah lamban sinji jadi ruang tamu, kamar, atawa warung pakai rang jualan.
- Atung: kayu kejung mit samping sai tisangga aguk Tihung duduk. Atung sa yakdolah ngerupako batang kayu penyangga lantai lamban sai kejungni kurang lebih 2 meter 65cm, lingkaran kayuni 45 cm rik bujumlah 4 batang kayu.
- Tihang duduk: tihang punyangga lamban sai ranggalni antara 1 - 1,5 meter. Tihang sinji selalu bujumlah ganjil (kik tibagi ruwa yakdolah nyisa sang biji) sai bumakna ram harus selalu ingok jama Allah, Tuhan Sai Maha Kuasa. Tihang duduk tisangga jama telu batu sai permukaanni rata, sai pungsini yakdolah sebagai penahan kik sewaktu-waktu wat gempa bumi sai nyani lamban sa kuat rik mak kena pengaruh guncangan gempa bumi sa.
- Uwongan: Gegoh haguk atung kidang kayu sinji sai posisini ngehadap mit hadap rik mit kudan.
- Kakah: Betung sai pungsini yakdolah sebagai penyangga lantai lamban di bagian kudan.
- Bujokh: Kayu sai ngebujur mit samping sai pungsini yakdolah sebagai pembatas ruangan di lom lamban. Wat telu kayu pembatas lantai lamban, di bagian paling hadap tisekat pakai ruwa kamar yakdolah kamar di bagian kiri hadap (kebik) rik kamar di bagian kanan hadap (tebelah).
Bagian-bagian lamban pesagi secara lengkap
[edit | edit source]| Gelagh | Penjelasan |
|---|---|
| jan/geladak | Teks sel |
| ajung-anjung | Teks sel |
| serambi tengah | Teks sel |
| lapan agung | Teks sel |
| kebik temen/ kebik kerumpu | Teks sel |
| kebik rangek | Teks sel |
| kebik tengah | Teks sel |
| lawang kuri | Teks sel |
| pusiban | Teks sel |
Di luar bangunan utama (rang budiom), wat bangunan barih sai bentukni lebih lunik sai rangni yakdolah di kebelah bangunan utama sai gelarni Walay (lumbung pari) pakai nyegokko biyas. Bangunan sinji munih timanpa'atko pakai nyegokko damar, kupi, lada, rik hasil bumi sai barih jama masyarakat di Lampung Barat. Biasani, walay sinji rangni yakdolah bujarak kurang lebéh lima sampai sepuluh meter anjak lamban utama.
Proses pembangunan
[edit | edit source]1. Ngumpul, yakdolah musyawarah guwai ngicikko rencana penyepokan kayu di pullan, guwai nentuko batang sepa sai haga titebang, biasani acara sinji bulangsung sebingian. Pullan sai biasani tiratongi pakai ngakuk salah sai batangni guwai nyani lamban sa yakdolah pullan milik masyarakat. Ulih sina, undangan tisebar pakai ulun sang pekon penyin minak muari sangkaban sa mulai nettak batang kak jemohni.
2. Semakkung nettak batang, wat kegiatan sai gelarni "ngebabali", yakdolah upacara sai titujuko penyin mak ngedok gangguan anjak roh penunggu pullan (injuk bedu'a bebarong). Ngebabali sinji tilaksanako di pekon semakkung lapah mit di lom pullan, rik di lom pullan pas haga nettak batang sa. Seraduni yakdolah nuakh, yakdolah kegiatan nettak batang sembari nunggu sampai kayu lunik rik semak kering. Kik hadu kering sa, kegiatan selanjutni yakdolah nyuwah, ngebakar kayu lunik rik semak sai radu kering jenno. Seraduni nettak batang, batang sa tikecahko anjak kepampang, seraduni titetak jadi bagian-bagian sai lebih lunik.
3. Pemindahan kayu tilaksanako anjak rang nettak batang mit rang di ipa lambanno haga tibangun, biasani kayu seno tipindahko makai kebau. Kebau seno narik gerubak kayu sai ngusung kayu pakai ngebangun lamban.