Wp/ljp/Eva Dwiana

Hj. Eva Dwiana, S.E atau sai lebih dikenal sebagai Bunda Eva (lahir 25 April 1970) iyulah politikus Partai Demokrasi Indonesia Perjuangan sai ngejabat Wali Kota Bandar Lampung periode 2021–2024. Ya ngerupako kajong Wali Kota Bandar Lampung periode 2010–2015 dan 2016–2021 Herman HN. Semakkungni, ya anggota DPRD Provinsi Lampung periode 2014–2019 ghik 2019–2024.

Keughikkan Awal[edit | edit source]

Eva iyulah sanak bai jak Iskandar Zulkarnaen asal Muaraenim, Sumatra Selatan ghik Dahniar anjak Sumatra Barat.

Karier Politik[edit | edit source]

Semakkung kajongni, Herman HN jadi Walikota Bandar Lampung, Bunda Eva, ughauan akrabni, jawoh lebih dikenal masyarakat sebagai pimpinan Majelis Taklim Rachmat Hidayat. Gelagh Eva sangun dikenal dikalangan ibu-ibu pengajian ulah ghisok ngeguwai kegiatan sosial. Karir politikni cukup betik, mulai jak Ketua DPC Demokrat Kota Bandar Lampung Periode 2011-2016. Tigoh akhighni Bunda Eva "lumpat pagar" mit DPD PDIP Lampung pada Konferda 8 Maret 2015. Ya jadi Ketua Bidang Perempuan dan Anak DPD PDIP Lampung. Bunda Eva iyulah anggota DPRD Provinsi Lampung^[1] Ya teghcatat sebagai Komisi III DPRD Provinsi Lampung Periode 2014-2019 seghadu ngekuk suagha paling nayah. Kidang, ya dipokko pada nomogh ughut 10 di PDIP. Eva Dwiana ngekuk 19.818 suara, ughutan keghua suagha paling nayah jak para caleg 12 parpol sai diusung pada Pemilu 2014 guwai DPRD Lampung jak Kota Bandarlampung. Pada 2019, Eva muloh ngekuk suagha paling nayah. Bahkan sepaghuh suagha PDIP Bandar Lampung sina nopang kughsi DPRD Provinsi Lampung. Hasil ghekapitulasi suagha di KPU Bandar Lampung, suagha Bunda Eva Dwiana nyapai 86.258 jak suagha partai sai nyapai 146.294. Ghanggalni suagha Bunda Eva ngeguwai ya mejong di DPRD Lampung jama pak Caleg baghihni jak Dapil 1 Bandar Lampung yado, Kostiana (13.437), AR Suparno (4.714) ghik Apriliati (4.304). budasarko pleno KPU Lampung yang buakhir Minggu (12/5),

Pilkada Serentak 2020[edit | edit source]

Eva nyalonko dighi di Pilwakot Bandar Lampung 2020 sai ngerupako bagian jak Pilkada Serentak 2020. Eva nyalonko dighi sebagai Wali kota jama Deddy Amarullah sebagai Calon Wakil Wali kota 2020. Tiyan ngakuk nomogh ughut 3.^[2] Pada tanggal 9 Desember 2020, pasangan Eva-Deddy menang budasarko hitung geluk.^[3]