Wp/liv/Vaid

From Wikimedia Incubator
< Wp‎ | livWp > liv > Vaid
Jump to navigation Jump to search

Vaid um ikš kilā Līvõd Rāndas. Vaidõl pīlõb muzej, missõs um sōrad kollektsij. Sǟl um mitmõd istōrilizt līvlizt kōrandõd. Āigasts 1935 jelīztõ Vaidõl 106 rištīngtõ, nēšti 40 līvlizt. Lāž kōrands sīndiz Līvõ kultūrnikā Nikā Polman. Āigasts 1920 teitõ sǟl skūol, kus Maŗt Lepste vȯļ līvõ kīel opātiji. Lūoltiji Alfon Berthold (1910-1993) um sǟl jellõn. Lāž kōrand jedsõ kazāb sūŗ vanā täm. Zūonkõ kōrands jelīz Berthold aim, kīnga siegāst um tund perrizt jemākēļizt līvlizt Viktor Berthold (kūolõn 2009) ja Kanādõs jelāb Grizelda Kristiņ. Sǟl ležgõl um Ozolnieki kōrand, mis jel um eitõd āigasts 1930. Ozolnieki kōrands um ikš kuodā, āita, sōna ja munt vanād jelūd. Kuodā tagān um piški tarā ja kuodā jedsõ um kouv. Ozolnieki saggõld keitõ Ēsti ja Sūomõ tieudmīed. Sǟl um jellõnd Poulīn Kļaviņ kis äbţiz lūodõ ansambõl "Līvlist" . Vaidõl um ka vanā kālmadtarā ja sīe tagān dīk. Lūoltiji Alfon Berthold um kēratõn :

Se piški kilā Vaid sōb nuttõd,
ni sa ūod neiku jarā jettõd.
Agā sa ārmaz ikštiz ūod,
sa mädlõmiži minnõn tūod.