Wp/liv/Vīm

From Wikimedia Incubator
< Wp‎ | livWp > liv > Vīm
Jump to navigation Jump to search
Pīla alli vīm nägţõb nemē dumād krīpšõd

Vīm agā Vīmõsad um vieddõl vied tīlkad sadāmi pīlist mōpīnda pǟlõ. Vīm-tīlkad sugõbõd pīlis, až gais likkimizt tīebõd piškizt vied tīlkad eņtšvailiži põrgimiži agā až lumkōpkõd ja munt jeij kabāld sullõbõd lemmõ gais sizzõl mōpīnda ležgõl. Vīm um tǟdzi nei lūoimõd až stōdõd jelšõ-īemiz ja kazāmiz pierāst. Vīm īdskubs munt sadūdõks um tǟdzi jag vied immõr-kēmizõst. Sadūd vieddõl vied tīlkad diamētõrõks, sūrim äbku 0.5 mm. Až tīlkad um piškimizt, siz siedā nutābõd udvīm. Amā jemīņ vīmõ sadād Hawaii kōla pǟl Waialeale mäggõl ( 20 āigast āigal mǟrlimistiz 11700 mm). Mōkierā amā kūjimõd kūožõd āt kōgard, kus vīmõ äb sad mittõkunāgõst. Sūŗimižis jagši Mōkierā kūožiz amād kontinentõd pǟl sadāb vīmõ jemīņ až 250 mm ja jo veitõ až 1500 mm āigasts.

"Vīm" um vȯnd ka īd līvõ nūord ansambõl nim.