Wp/liv/Nīerõz

Nīerõz um ikš rištīngd ja lūoimõd orgȱņ, mis ilzandõks um iz-glȱibõ vied tazzizt-svarrõ ja jarā vieddõ matērij-vaidimiz īedõkši. Rištingõn um kakš pubā pūormlizt, immõr 10 cm pitkõ nīerõzt. Ne sõglõbõd immõr 5 lītõrt vīerda jegā 45 minūtkõks. Glikōz, minerāld ja vajāg-vȯlbi vež lǟbõd tāgiž vier sīezõ. Munt viedlimi ja äbpūdõzt īedõkst jūokšõbõḑ lebbõ kuž-torī ja kuoŗŗõbõd kubbõ kuž pūššõl sīezõ nemē kuiž. Nīerõd sizzõl um iļ miljūon kabāld nefrōņďi, mis sõglõbõd vīerda. Nīerõd tīebõd ka ensīmõ nimkõks renīn mis äbţõb regulīerõ vier-pīkstõmizt. Nīerõd jarā-rikkõmizt ja tebīd ātõ nīerõ-vigā, nīerõ-kivīd ja nefrīţ.