Wp/liv/Miedlinki
| Miedlinki Apis mellifera | |
| |
| Vōlikšimi | Jelāid Animalia |
| Phylum | Arthropoda Arthropoda |
| Klas | Kukkizt Insecta |
| Order | Hymenoptera |
| Aim | Miedlinki Apidae |
Miedlinki um ikš līndab kukki Apidae aimõst. Um 20000 zortõ miedlinkiži. Miedlinkizt kuoŗŗõbõd ēdrõmõ põrmõ puţkõd pǟld. Miedlinkizt võib lieudõ amād mōīlma jagūd pǟl, bäs luggõmõt Antarktīkõs. Kuod-miedlinkiži kazātõbõd rištīngd mied sōmiz pierāst.
Miedlinkizt kejā
[edit | edit source]Miedlinkiztõn um kuolm kejā jag: pǟ, mǟrlimi jag ja taggi jag. Nemē muntõn kukkiztõn, miedlinkiztõn um kuolm pōŗ jālgidi ja kakš pōŗ tībidi. Pǟgiņdõn pǟgiņd miedlinkiztõn um karri mag ja um vīri ja mustā kūondimiz verm. Pǟgiņdõn miedlinkiztõn āt taggiz kejā lopāndõksõs vijā nõggõld. Až ne miedlinkizt āt kõzzizt agā jarā ädāgõnd siz ne siskābõd nõglõks, mis um pȯddi. Strōdnikā miedlinki kūolõb pierrõ siškimizt, bet tuoizt miedlinkizt ja vapsūd sōbõd siskõ nõglõks setmiņ kõrd. Mingizt rištīngd āt väggi allergilizt miedlinkiz siškimiz pǟlõ ja võibõd sīestõ īžkist kūolõ.
Miedlinkizt āimõd
[edit | edit source]Miedlinkizt āt sotsiālizt kukkizt, kis jelābõd barīs agā aimši. Aimsõ um kuolmõ zortõ miedlinkiži, izizt, strōdnikād ja miedlinkizt-jemā. Izizt āinagi ilzandõks um jemāndõks kuoīnõ. Ne jelābõd lītizt aigõ, sīestõ ku sigžõ strōdnikād-miedlinkizt tappõbõd nēḑi. Strōdnikād-miedlinkizt āt ka jemizt, kis kuoŗŗõbõd ēdrõm põrmõ, kaitsõbõd aimõ, tuoitõbõd jemā ja piškiži ja eitõbõd miedvōst mež-kudidi. Miedlinkizt-jemā kāndab muņḑi 4-5 āigastõ ilmõ piezā sizāld lēmist ulzõ. Aimsõ um irdistiz ikš miedlinkizt-jemā, 15 000–17 000 strōdnikād- miedlinkiži ja lītizt aigõ 200–2000 izizt.
Bīldad
[edit | edit source]-
Mež-kud -
Miedlinkizt-jemā
