Wp/liv/Kū
Kū um Mōkierā kamrāţ, mis pīnda spiegiļtõb pǟvaļikīz vallõ. Tämmõn um rōz elliptili orbīt, mis pierāst kōguz amā ležgõl um 356 000 kilomētõrt ja amā kougõn 406 997 kilomētõrt. Täm mǟrlimi diamētõr um 3475 km, mis um jo veitõ až ikš kuolmõzjag sūrit Mōkierā ummizõst. Täm mǟrlimi kȭrstõmiz āiga immõr Mō 29 pǟva, 12 stuņdõ ja 44 minūtõ. Sīepierāst ku täm kȭrstõmi immõr eņtš ašš līb nei-īž kōgiņ aigõ, Mōkierā pēḑõn pīlõb alz nei-īž Kū kiļg. Kū svarā um immõr 1/80 Mōkierā ummizõst ja täm gravitātsij lūob Mōkierā pǟl mierši vied-paizõmizt ja vied-tāgiž-saddimizt. Astronōmd arrõbõd ku Kū sugīz kīldist, až immõr Maŗš sūrit planēt pȭrgiz Mōkierāks kubbõ. Kū pindõ tuņšliz kīkõrõks ežmizt kõrd Galileo 1609 āigasts. Kū pīnda mūoḑ pūojlimi sī um kubbõ põrgimizt piškizt meteōrdõks, missõst sugõbõd piškizt rink-pūormlizt ōkõd, midā sōb nuttõd krātõrd.
Vaņ ka
[edit | edit source]