Wp/lai/Khuavel Linhsat
Kan Vawleipi Hi Kanmah nih Khamh Hna U Sih
Kan vawleipi hi a lum chin lengmang.Hihi tihin fimthiamsang hna nih cohlan dih a si.Biangai in vawlei lumlinh hi 2'C nak tam deuh a kai sicun sining a chiat lai hi a fiang tuk. Vawleipi hi linhsatnak in khamhdomh zuam a si peng.Sinain ahonihdah a khamh lai? Zeitin kan khamh lai? Kan zapi nih khamh ding a si. Mikip nih mah sikhawhnak hmun in rak ii tel cio ding khi a si.Zeitin khamh a si lai? Khuavel Linhsat (Global Warming) hi khamhkhawhnak ding caah tuahawk (10) ka vun langhter. Nambar(1)nak tuan ding cu degree pahnih thum deuh ti si.Hi cu kihnak ram,lumnak ram hna lawng siloin khuacaanziatnak ram hna zong an ii tel.Cun ahleiin asikhomi nih thalcaan ah alint daihternak caah thlikihnak(AirCon) hman a si. Khuasikcaan ah thlilumhnak(heater) hi hman a si.Hi sehthil hna hi adjust tuah a hau.Kanmah he kan ii thlak lo nan ti ko men hnga.Nanmah zong thlikihnak ummi baisakup zung le eidindawr nan kal na kal sicun nan ii telthak dih ko. Tihin zukthum sicun kumkhat ah thli chung thlahmi Carbon Dioxide cheuthum cheukhat a tum lai tiah tuak a si. Pahnihnak ah miti(bulb) kha thleng ding a si. Minung hna ii dahtha tambik kan hmanmi cu meivannak thawngin a si.Ruah tikah inn nuaikhat hi an inn ah miti pumli kha dahtha semngaihnak miti in kan thlen a si ahcun thlikhu chung innhringpi khuchem(greenhouse effects) singkua a zia deuh. Compact Fluorensce Light - CFL hi buaktlak ceunak thatluk angeimi miti michaung hna nakin dahtha zatuak 75 a ziat ter deuh. Pathumnak in cun elextik thilri hna hi plugkua in dokchiah ah a tha.Hmancaan ah hman ding a si ko.Hmanlocaan ah le hman dih cangka ah computer,tv, tangseh(player) hna kha remote hmeh cangka on khawh dingin Standby chiah kan hmang.Hiti timhciate in chiah cu ahmangtu caah siarem ngai a si. Remote te hmeh nakin thodir loin TV le tangseh hna on khawh a si lomei.Sihmanhsehlaw hitin Standby chiah hi elextik tha kan hman a si hi philh hna hlah u sih.Elextik thilri hna hi kan hmanlo tikpaoh ah khalauh(switch) hmih le plugkua in dawh lengmang ding a si.Hihi vawleipi khamhkhawhnak lamkhat a si. Palinak lam cu plastic hmanlo ding a si.Bazaar kal tik paoh plastic tampi kirpi a si theo.Vawlei ah kumkhat ah plastic billion 500 in trillion 1 tiang hman zungzal a si.Billion pakhat ah nuai thongkhat a tal ii trillion pakhat ah billion thongkhat a si.Ngaichiatawk ngaingai a si.Plastic ruangah tiluhor a phih dih.Saram pawl ahlei in nga tamlak an thi loral dih.Plastic fun zong hi thli, ti abik in a thurhnawmh ter khun hrimhrim. Cu caah nangmah sawngkhawi ken na thathu hlah. Panganak ah chuak thilri hna hi hmang hna u sih.Dawrpical(Plaza) hna ii cawkmi eidin tirawl hna hi local chuak an si lemlo. Lamhla mengthong in ahlatnak in a hung phan mi thilri hna an si theo.Hitin cawithler-kuat tikah thlikhua lakah thlithianglo, Carbon Dioxide tamlak a chuah ter. Local chuak thilri hman a si ahcun vawleipi khamh he a khat fawn. Paruknak cun mahle hraite hman ding a si. Tuchan ah voikhathman (takhatong) a tam ngai. Polystyrene Foam hna cu manfak tuk. Zawtnak hna zppng dinti hrai in chawnh, thli hmang zong in chawnh khawh a si. Adang cu thlithalo chuahkhotu motor le adang vehicle hi hman zia thiam a hau. Pariatnak ah bike ii cit asiloah lamlen ding a si. Pawkam kalnak ding cu lamlen asiloah satbing(bike) hmang ko.Sianginn ah sianginn donthlahnak mawtaw in a khah ding a si lo. Atlawmbik zarhkhat nikhat cu mawtaw cit lo in um ding a si. Cu sicun vawlei khamhtu na si cang.