Wp/kus/Upper east Regional House of chiefs

Upper East Regional House of chiefs

House of Chiefs

Upper East Regional House of chiefs anɛ na’atitada banɛ bɛ Upper East Region la la’asʋg. Di anɛ zin’ikanɛ ka Na’anam la la’asid taaba gban’ad temmaalʋg yɛla nɛ ban na niŋ si’em zanl nidib la ka daʋŋ da bɛɛ.

Banɛ paasi di ni

Upper east regional House of chiefs la sieba anɛ Chiana-Pio Pe Ditundini A. Ayagtam II, House La zuraan, Mirigu-Naba Anthony Anonsona Abisa III, Zuraan nya’adɔl, Paga-Pio Charles Awiah Awampaga II, Naba Asigri Abugrago Azoka II, Naaga-Naba Olando A. Awini II, nɛ Sandem-Nab Nab Azagsuk Aantgilow II.

Na’apaala zuŋir

Upper EAST Regional House of Chiefs da zuŋ Na’apaala yʋʋm tusa ayi nɛ pisi la ni (2020). Justice Jacob Boom, onɛ an Supervising High Court Judge, ka da zuŋ na’anam la, kpɛmis na’apaala la ye ba dɔl wada banɛ bɛ yin la ka mɛ dɔl Chieftaincy and the Legislative Instrument la ba tʋʋma ni. Nimbanɛ ka o da zuŋ la anɛ;

Naba Biliya Maltinga Afeghera III, onɛ an Pʋlis kpɛɛm, ka ba da zuŋ o ka o an Paramount Chief tis Traditional Area kanɛ mɔr sub-chiefs piinɛ atan. Banɛ kpɛlim la yinɛ Kusaʋg nɛ Sandema sʋ’ʋlim. Ba anɛ; Naba Robert Agetwin, Binduri Na’ab, Naba Abdulai Abugri, Bugri Na’ab, Naba Mohamadu Assibi Azonko I, Gumbo Na’ab, Naba Ibrahim Aguur Ayuumah, Pusiga Na’ab, Naba Nbangiba Ayagiba III, Sapeliga Na’ab, Naba Issifu Teag Achebelongo, Tilli Na’ab nɛ Naba John Dazuur Tiigah, Kpikpira Na’ab. Bama wʋsa yinne Kusaug Traditional Area.

Banɛ kpɛlim la anɛ Nab Francis Akanbegmi Asangalisa, Chuchuliga Na’ab, Nab Nkrumah Apaalinchang, Gbedema Na’ab, Nab Atirekperi Anmalugsi, Gbedmbilisa Na’ab, Nab Akanjianya Akanfella, Kanjarga Na’ab nɛ Nab Afulang Gilbert Apig-Jiak, Siniensi Na’ab, bama wʋsa mɛ yinɛ Sandema Traditional Area.

Bawku zaba la yɛla

Upper East Region House of Chiefs yɛl ye Naba Asigri Abugrago Azoka II ka bam mi’ ka o an Na’abi tis Bawku ka sɔ’ wʋsa mi’ ka sɔ’ ya’a ma’ ye o diisnɛ na’aba di anɛ daʋŋʋ tis ban hali.  “Tinam mi’ ye Naba Asigri Abugrago Azoka II (Zugraan) an Paramount Chief tis Bawku Traditional Area ka lɛm paas Upper East Region House of Chiefs ni, ba paas ye, “hali o paas National House of Chiefs, ka paalʋ pʋ naan ka di nar ye sɔ’ diis na’ab ka yɛl ye onɛ an paramount chief paali tis Bawku.

“Tinam, banɛ bɛ Upper East Region House of Chiefs ni la mi’ sʋ’ʋŋa ye Naba Asigri Abugrago Azoka II an paramount chief tis Bawku ka on ma’aa mɔr paŋ kanɛ na nyaŋi diis na’asieba o sʋ’ʋlimin”.

“Ti wʋm pian’akanɛ ka Minister for Information pian’a pa’al gɔmena zi’esim yɛlkaŋa ni la, ka mɛ ye ti paasi ti kʋkɔr ye ti kʋ nyaŋi mɔr paramount chiefs ayi Bawku”.