Wp/kus/Sung Bi'ela Foundation

Sung Bi'ela Foundation

organization

Industry	non-governmental organization
Inception	2013
Country	Ghana
Located in the administrative territorial entity	Ghana
Headquarters location	Ghana

Sung Bi'ela Foundation Ghana [SBF-Gh] anɛ la’askanɛ pʋ ied nyɔɔdɛ ka lɛɛ sʋŋid nidib nɛ la'asʋma kɔn'ɔb kɔn'ɔb. Onɛ pin’il ka an Executive Director tis Sung Bi'ela Foundation Ghana anɛ Zenabu Awinbe Salifu. O yɛl ye di malis o hali nɛ on ia ligidi sʋŋ tembanɛ o mɛŋ nidib bɛ la. Bɔzugɔ, on mɛ yinɛ Bawku na ka mi’ tɔɔg kanɛ ka sakur biis nyɛt.

O pa’al on da an kpiibʋg ka namis si’em ka naam paam keŋ sakur Manga JHS ka ye sʋŋkaŋa na kɛ ka biis nyaŋi paam sakuri keŋ sʋ’ʋŋa ka daʋŋ kae.

Sʋŋir

Yʋma bɛdegʋ nwa ka pa’annib nɛ sakur bisieba banɛ bɛ biis sakuyanamin Upper East Region la pʋ paam pa’alʋg nɛ zamisʋg la’adi yi gɔmena san’anɛ. Yɛlkaŋa kɛya ka biis zamisʋg lɛbid nya’aŋ ka di mɔr daʋŋ hali tis sakuya la. Pa’annib la kpɛɛm sieba yɛl si’eli nwa,

“Ti mɔrɛ gbankʋda pa’an yʋma ayɔpɔi banɛ gaad la. Ka gbana mɛ pʋ zʋ'oe la zug, pa’annib la yiiti sɔb si'el wʋsa tabil zaŋguom sabil la zug ka biis sɔbi di wʋsa niŋi ba gbana ni. Dina san’amidnɛ saŋa pamm ka zamisʋg pʋ nyaŋidi ken nwɛnɛ din nar si’em.”

“Pitmisyɔpɔi kanɛ ka ba nɔki tis zamisʋg ayi la’as la pʋ nyaŋidi si’an na nwɛnɛ din na aan si’em la, ka di mɔr daʋŋ biis zamisʋg pʋʋgin nɛ ba sɔbʋg pʋʋgin”. Amadu Karim, onɛ an pa’annib kpɛɛm bɛ Manga Junior High School bɛ Bawku Municipality yɛl nwa.

zin'ibanɛ ka ba sʋŋ

Pa’annib kpɛɛm la pa’al nɛ’ɛŋa Sung Bi'ela Foundation Ghana [SBF-Gh], la’askanɛ pʋ ied nyɔɔdɛ piinli ba sakur la pa’alʋg nɛ zamisʋg la’ad la.

Ba da lɛn sʋŋ sakuya ayɔpɔi banɛ bɛ Binduri, Bawku West Districts nɛ Bawku Municipality banɛ da mɔr zitɛsbiskaŋa buudi mɛ da di’e gbaʋŋ zamisʋg la’ad yi la’asʋg la ni.

Di ka’ pa’alʋg nɛ zamisʋg la’ad la ka’alim ma’anɛ, daʋn nwɛnɛ kʋgʋs ka’alim, zin’isieba sakur dɔɔd la pʋ zi’e sʋ’ʋŋaa.

Binduri Junior High School A nɛ B bɛ Binduri district la, pa’annib kpɛɛm la, Joseph Abugre yɛl ye o pʋ  tɛnr sankanɛ ka o sakur la di’e gbana yi.

O fabil ye kʋgʋs la pʋ paae sakur biis la ka di kɛ ka biis la gbaʋŋ zamisʋg pʋ ken tuonɛ.

Sakur sieba nwɛnɛ Kpalwega JHS, Zabugu JHS, Azariya JHS, Buabula Primary nɛ JHS, Asobelaga Primary School, nɛ Watania JHS da mɔr daʋŋ kan buudi dinzug ka Sung Bi’ela Foundation Ghana gaŋi ba ye ba di’e piini la.

la'abanɛ ka ba da sʋŋ

La’abanɛ ka ba nɔki piinl Sakuya la anɛ mathematical sets, textbooks, pens, pencils, exercise books, erasers nɛ compiled past questions nɛ answers booklets.

Hajia Zenabu Awinbe Salifu yɛl ye Sung Bie’la Foundation Ghana na keŋ tuoni sʋŋ sakur biis nwɛnɛ pisi (20) banɛ di ya’ans ʋ’ʋŋa Basic Education Certificate Examination o sakur kʋdʋgin la, ka ba keŋ Senior Hiogh School.

“Zi’esim la anɛ banɛ nyaŋi paam diib nwɛnɛ piiga (10) paae piinɛ nu (15). La’anɛ SHS an zaalim la, sakur biis la na bɔɔd la’ad nwɛnɛ shoes, chop boxes, nɛ la’asieba. Yʋʋm kaŋa, ti sʋŋ biisa yi banɛ an tadimnam yi Zabugu, ka ba zamisid science, Bolgatanga Senior High School. Foundation la mɛ sʋŋ nidiba atan banɛ an zʋnzɔɔs ka yi Bawku ka ba yʋ’ʋm bɛ University of Ghana zamisid”.

Sung Bi'ela Foundation Ghana mɛ sʋŋi pa’al pʋ’asada ban na nyɛ ba nu’ug ka an nyain si’em Sakuya banɛ ka ba keŋ la ni ka lɛn tisi ba sanitary pads dinɛ ka Lexta Ghana Limited sʋŋi tis.

Pʋ'ʋsʋg

Hajia Zenabu Awinbe pʋ’ʋsi o tʋntʋntaaba banɛ bɛ Lands Commission la nɛ Lions Club International banɛ sʋŋi ba nɛ ligidi ka ba nyaŋi tis piini la.

O mɔr ti’ir ye la’as sieba pʋʋr pieya nɛ ban maal si’el la, ka na sʋŋi ba ka ba nyaŋi sʋŋ biis la sʋŋa.