Wp/kus/Stephen Amoah
| Sex or gender | male  |
|---|---|
| Country of citizenship | Ghana |
| Name in native language | Stephen Amoah |
| Given name | Stephen |
| Family name | Amoah |
| Date of birth | 27 March 1970 |
| Place of birth | Kronom |
| Native language | Asante |
| Languages spoken, written or signed | English, Asante |
| Occupation | politician, chief executive officer, consultant |
| Position held | Member of the 8th Parliament of the 4th Republic of Ghana, member of parliament |
| Educated at | University of Derby, Opoku Ware Senior High School, Kwame Nkrumah University of Science and Technology |
| Work location | Nhyiaeso, Kumasi |
| Member of political party | New Patriotic Party |
| Candidacy in election | 2020 Ghanaian general election |
Stephen Amoah (anɛ onɛ ka sɔ’ wυsa mi’ o ye Sticka) O anɛ pɔlitiks nwɛ’ɛd Gaana, o anɛ Wabυg Na’adɔɔg nid. O anɛ wadmaan n tis Nhyiaeso sυ’υlυm la. Nannnanna o anɛ kpɛɛm banɛ gɔsid GCB Bank tυυma la yinne.
Ovυm pin’ilυg nɛ sakur yɛla
Ba da du’a Stephen Amoah nɛ Buniya nya’aŋ nwaris atan’ la li dabisim piisi nɛ ayɔpɔi yυυm tusir nɛ kɔbiswai nɛ piisyɔpɔi la ni. O yinɛ Kronum Afrancho linɛ bɛ Gaana Ashanti Region la. O da keŋnɛ Opoku Ware Sakur linɛ bɛ Kumasi. O naae o Mastɛs zamisυg Digirɛɛ linɛ an Strategic Finance Management la nɛ n bɛ University of Derby, United Kingdom yυυma tusa yi’ nɛ ayɔpɔi la ni. O mɛ maali o Bachelor of Science Digirɛɛ linɛ an Computer Science la nɛ Kwame Nkrumah University of Science and Technology (KNUST) sakurin la, Gaana sυ’υlυm. O mɛ di’e kasɛta gbaυŋ linɛ an Entrepreneurship Mit sakurin la. O da maali PhD zamisυg la KNUST zamis kaŋa kpazɛɛri da anɛ Actuarial Science.
O tυυma
Amoah da anɛ ti Gaana kpɛla Chief Finance Officer of Kencity ka mɛ da lɛn tυm n an National Coordinator of National Insurance Authority (NHIA) kpɛɛm la nya’andɔl. Buniya nya’aŋ nwaris ayi la yυυma tusa yi’ nɛ piina yɔpɔi la ni,ka ti Gaana Gɔmina Akufo-Addo da gaŋ o ye o an chief executive officer n gɔs Microfinance and Small Loans Centre (MASLOC) la. Onɛ an CEO n tis Zintex Portfolio Services Limited la. Onɛ lɛn an ligidi nɛ li pɛmisυg yɛla saawada nwɛ’ɛd.
Ninwisigir di’ema yɛla
Buniya nya’aŋ nwaris anii la yυυma tusa yi’ nɛ piisi nɛ ayi’ la ni, ka Amoah da yɔ’ɔg Kumasi FC linɛ an ninwisigir di’ema linɛ bɛ Nhyiaeso Kumasi sυ’υlυm. Li liebnɛ ninwisigir di’ema zig ka ba zamisid nidib bɔɔl nwɛ’ɛb nɛ zamisυg nam kɔn’ɔb-kɔn’ɔb nwɛnnɛ gymnasium, medical center nɛ linɛ kpɛlim.
O pɔlitiks yɛla
Amoah da zi’enɛ nya’a a-gaŋ sɔ’ ka o zi’en la Wabυg Na’adɔɔg la ni yυυma tussah yi’ nɛ piisi vɔt la ni. Ban da vɔt yɛ ba gaŋ sɔ’ ka o zi’en Wabυg Nɔɔgin la ka o di Nhyiaeso sυ’υlυm ka bas Kennedy Kwasi Kankam onɛ mɛ da di ka bas Richard Winfred Anane yυυma tusa yi’ nɛ piina yuobu vɔt la ni la. Ban da vɔt la o da mɔri vɔt bam 332 ka o tiraan la mɛ da mɔr 315 n yi vɔt la kanl wυsa linɛ da an 647 la.
Yυυma tussah yi’ nɛ piisi la vɔt la ni ka ba da vɔt ti Gaana na’am vɔt la ka Amoah Nhyaieso kυk la. Ban da vɔt la o da paamnɛ vɔt bam 51,531 kɔbiga pυυginɛ, o da mɔri 81.71% ka o tiraan Richard Kwamina Prah onɛ da an Ma’asim Tiig Na’adɔɔg nid la mɛ da mɔr 11,033 vɔt kɔbiga pυυginɛ o da mɔri 17.49% vɔt.
Kpɛɛm banɛ ni ka o paas
Amoah paas kpɛɛm banɛ gɔsidi ti ligidi yɛla la ni O mɛ anɛ Privileges kpɛɛmnam la yinne.
O vυm bɛllim
Amoah anɛ Kristo biig.
On tυm si’el
Buniya nya’aŋ nwaris anaasi la yυυma tusa yi’ nɛ piisi nɛ ayi la ni, ka Amoah da da’ pirinta nam, Kɔmputa nam hali nɛ kυkυs wυυ bam tusir n tis sakur banɛ bɛ Nhyiaeso sυ’υlυm la.
Dauŋ sieba banɛ da naam
Buniya nwarig la yυυma tusa yi’ nɛ piisi nɛ yinne, ka ti Gaana La Magistrate Court la da yis gbaυŋ n tis pυlis ye ba gban’am Amoah nɛ Samuel Anim court n da buoli ba ka ba zan’as ye ba kυ keŋ la zug, n dɔl yɛlbanɛ da naamidi ti suoya nam ni la. Lin nya’aŋ ka o yυ’υn nɛɛnl o mɛŋ n pa’al GPS naae ka yυ’υn keŋi siak court buolυg la.