Wp/kus/Mohammed Adamu Ramadan

Mohammed Adamu Ramadan

human

Sex or gender	male
Country of citizenship	Ghana
Date of birth	3 May 1975
Place of birth	Accra
Languages spoken, written or signed	English, Hausa, Twi
Occupation	politician
Position held	Member of the 8th Parliament of the 4th Republic of Ghana
Educated at	University of Ghana
Member of political party	National Democratic Congress
Religion or worldview	Islam

Mohammed Adamu Ramadan (da du’anɛ 3 May 1975) anɛ Gaana pɔlitiks nwɛ’ɛd. Paasnɛ Ma’asim tiig Na’adɔɔg la National Democratic Congress la ni. O anɛ Wadmaani tisi Adenta Constituency sʋ’ʋlim dim. O anɛ pɔlitiks nwɛ’ɛd Ahmed Ramadan dakɔɔnr ka aan Samira Bawumia, onɛ an pirɛsidɛn nya’adɔl pʋ’a la, taun kpɛɛm.

On sin’iŋ siem nɛ o sakur yɛla

Ba da du’a Mohammed Adamu Ramadan nɛ yʋʋm tusir, kɔbiswai nɛ pisyɔpɔi nɛ anu Nwadisa anu la daba atan daar, (3 May 1975). O yinɛ Ashalley Botwe bɛ Greater Accra Region sʋ’ʋlim la. O mɔr bachelor's degree of Business Administration, master's degree in Business Administration dinɛ ka zamis ligidi yɛla sʋ’ʋŋa. O lɛn mɔr Master of Arts in Economic Policy Management.

Tʋʋma

Ramadan da anɛ onɛ sʋŋid (Special Assistant) nɛ presidential staffer bɛ Flagstaff House sankanɛ ka John Mahama da an pirɛsidɛn la.

Pɔlitiks

On da nan bɔɔd ye o nya’ la

Yʋʋm tusa ayi nɛ piinɛ ayuobʋ (2016) Wadmaanib vɔɔtʋg la, Ramadan da zi’en Ma’asim tiig National Democratic Congress zugʋ nya’Adenta Constituency ka Wabʋg Na’adɔɔg, New Patriotic Party's nid la, Yaw Buaben Asamoa. Asamoa di ka bas o nɛ vas o nɛ vɔɔt tusa pistsn nɛ atan, kɔbiswai nɛ pisnu nɛ ayi (33,952) dinɛ an pisnu du’al pisyuobʋ nɛ anaasi kɔbiga pʋʋgin (50.64%) ka Ramadan paam vɔɔt tusa pistan nɛ ayi,kɔbisnu nɛ pisnii nɛ anii, (32,588) dinɛ an pisnaasi nɛ anii du’al pisyuobʋ nɛ yinne kɔbiga pʋʋgin (48.61%). O da lɛn zi’eni nya’ Ma’asim tiig NDC ninsieba ka dii lɛn nya’ yʋʋm tusa ayi nɛ pisi (2020) vɔɔtʋg la. O da diya ka bas Minista kʋdʋg kanɛ da gɔsid dap nɛ pʋ’ab nɛ biis bɛlim yɛla (Gender, Children and Social Protection), Nana Oye Lithur. O da diya nɛ vɔɔt kɔbisyɔpɔi nɛ pistan (730) ka pʋ’a la paam vɔɔt kɔbisnu nɛ pisnu nɛ anii (558) ka ba yɛl nyain ye onɛ di.

O ken kanɛ da paasi ayi la ka o da bɔɔd ye o di Adenta Constituency kʋk la, o da diya ka bas onɛ zin’i kʋk la, Yaw Buaben Asamoah onɛ da nya’ nɛ o yʋʋm tusa ayi nɛ piinɛ ayuobʋ (2016) vɔɔtʋg la, o da paam vɔɔt tusa pisyuobʋ nɛ atan, kɔbisnaasi nɛ pistan nɛ ayuobʋ 63,436 dinɛ an pisnu nɛ anu du’al awai kɔbiga pʋʋgin (55.9%) ka o tiraan la paam tusa pisnaasi nɛ awai, kɔbisyi nɛ pisnu nɛ anu (49,255) dinɛ an pisnaasi nɛ atan du’ali anaasi kɔbiga pʋʋgin (43.4%).

Wadmaan tʋʋma

Mohammed Adamu Ramadan da kpɛn’ Wadmaan yin la zi’eni tisi Adenta Constituency sʋ’ʋlim Gaana Wadmaanib yikanɛ paasi anii Republic kanɛ paasi anaasi la ni yʋʋm tusa ayi nɛ pisi nɛ yinne yʋʋmpaal Nwadig la daba anii daar. O da paas la’askanɛ gɔsid nimma’asim lʋgʋr la nɛ la’askanɛ gɔsid kpikpiŋ yɛla Wadmaan yin la.

Mɛŋ yɛla

Onɛ aan Ahmed Ramadan People's National Convention (PNC) kʋkdaan kʋdʋg la dakɔnkpɛɛm ka aan Samira Bawumia, onɛ an pirɛsidɛn nya’adɔl pʋ’a la, taun kpɛɛm. o anɛ mɔr kanɛ pɛsigi o mɛŋ. On da nam pʋ kpɛn pɔlitiks la o da tʋm nɛ Ghana Airways nɛ Ghana International Airlines.