Wp/kus/Joshua Aseago
Joshua Aseago anɛ Ghana nid onɛ ka ba du'a o Samanpiid Nwadig la dabisim pisi na ayi (22) yʋʋm tusir, kɔbiswai nɛ pisyɔpɔi na anu. Ezekiel Aseago, onɛ lɛm kai o vʋm bɛlimin la nɛ O pu'a Hannah da du'a o nɛ Ninkogo n bɛ Pusiga sʋ'ʋlim, Upper East Region, Ghana la. Ba wusa da baŋ Yesu Kristo ka o an ba Zugsɔb nɛ ba faangir nɛ ban da an biis la Miisiga Assemblies of God winpʋ'ʋs dɔɔgin la Saŋkanɛ ka Rev. Atiiga Boyanaba Aganshaku da an Karimsaam la. Joshua an o du'adib biribiŋ kpɛɛm.[1]
O Karim Ken Bɛlim
Ba da du'a o nɛ Pʋ'ʋsʋm yin (karimbiidigin), nwɛnɛ o du'adib wusa da an karimbiis la. O du'adib da pʋdi o yʋ'ʋr ka nɔki o tis Wina'am n dɔli yi nɛ Rev. Atiiga Boyanaba ni.
O biilimin nɛ, o da ɛɛnti dɔli o du'adibi ken pʋ'ʋsʋm n yit Ninkogo ken Missiga windɔɔgini pʋ'ʋsid.
O da paam suori zin'i biis windɔɔgin la linɛ da bɛ mission zin'ig la ka saŋasi'eba Windɔɔgin la mɛŋ.
Ban da zi'el Pʋ'ʋsʋm zin'ig Ninkogo la, o da yuolim dɔli o du'adibi keŋ ani. O da sʋʋ o kuom nɛ ani linɛ anɛ Rev. Peter Yisazua saŋa yʋʋm tusir, kɔbiswai nɛ pisnii na anii (1988) la ni.
Gbaʋŋzamisʋg Yɛla
Rev. Joshua Aseago da keŋ nɛ sakuri n naae Ninkogo pin'ilʋg sakurin la yʋʋm tusir, kɔbiswai nɛ pisnii nɛ yinne (1981), ka dɔlis Kultamise JSS la yʋʋm tusir, kɔbiswai nɛ piswai la ni, ka tɔlisi keŋ tɔlisʋg sakurin Zebila Secondary/Technical La yʋʋm tusir, kɔbiswai nɛ piswai na ayi (1992).
O mɛ da paam Master of Theology kasɛta gbaʋŋi n yi Faith University Seminary yʋʋm tusa ayi nɛ pisi na ayi la ni.
O Pʋ'ʋsʋm Bu'olig
O da paami o bu'olʋgnɛ on da mɔr yʋʋm piina anaasi (14) la, ka yɛli o du'adib nɛ o taaba ye o anɛ Karimsaam bɛɛ Pasta. O bi taaba da buon o ye Pasta Joshua, hali la'am nɛ tɔɔg nam banɛ ka o da nyeti ba o Pasta tʋʋma nɛ sakur naar la, o da dɛŋi gban'e ye o tiaki o pʋte'enr.
Amaa, ban' da gba' o ka o sɔs Wina'am ye O ya'a tisi o laafi o na kilisi O bu'olʋg la. Wina'am yɔlisim zugɔɔ, o da paam laafi amaa ka zan'as ye o kilis bu'olʋg la.
Ka tɔɔg tita'ari daa paa o Nwadis Anii la ni dabisim piina atan' (13) la nya'aŋ zaam, o daa siaki bu'olʋg la ka keŋ sɔb akarim gaad taaba linɛ anɛ Northern Ghana Bible College (NGBC) sakurin la n bɛ Kumbugu la ka n naae yʋʋm tusa ayi nɛ ayi (2002) la ni.
Tʋʋma Zin'is
Rev. Timothy Kere onɛ da an Pusiga District Pasta la da yɛl Rev. Joshua Aseago ye o keŋ zanl Dabia A/G Winpʋ'ʋs zin'ig la on da nan zamisidi o Pasta tʋʋma la lin da yi yʋʋm tusa ayi nɛ yinne ti paae yʋʋm tusa ayi nɛ ayi la ni.
O da naa ya Kumbungu sakurin la yʋʋm tusa ayi nɛ ayi ka ba tudi o Kuka Natinga A/G linɛ da bɛ Bawku Central District, Upper East Region B la.
Yʋʋm tusa ayi nɛ piini yinne (2011) la, ba da tɔlisi o keŋ Faith Assembly, Nakom, zin'ig kanɛ ka o bɛɛ ani nananna.
O Kpɛɛmir Tʋʋma
O da anɛ Sunday Sakur Kpeem nɛ CA Kpeem Ninkogo Winpʋ'ʋsʋg zin'ig la wusa. Ba da gaŋi o ka o an Sunday sakur tuongati tis Bawku central lin da yi yʋʋm tusa ayi nɛ anu(2005) ti paae yʋʋm tusa ayi nɛ piina(2012) ayi la. Ba da gaŋi o ka o an District la gbaʋŋ sɔbid Vaala Nwadig la dabisim yinne daar yʋʋm tusa ayi nɛ piina ayi (2012) la ni Saŋkanɛ ka Pusiga district la da yɔɔg paalim la Rev. Ben Asibi saŋa. Ba da gaŋ o ka o zi'e tis district pastor.
Gaŋir
Pu'a Diir
Rev. Joshua Aseago mɔr pu'a nɛ biig yinne. O pu'a anɛ Sarah ka o biig an Charity.