Wp/kus/Isaac Ashai Odamtten

Isaac Ashai Odamtten

human

Sex or gender	male
Country of citizenship	Ghana
Given name	Isaac
Date of birth	1972
Languages spoken, written or signed	English
Occupation	politician
Position held	Member of the 8th Parliament of the 4th Republic of Ghana
Member of political party	National Democratic Congress
Religion or worldview	Christianity

Isaac Ashai Odamtten (dʋ’anɛ 13 May 1972) anɛ Gaana pɔlitiks nwɛ’ɛd ka an Ma’asim tiig Na’adɔɔg, National Democratic Congress nid. O anɛwadmaan kanɛ b aba gaŋ tis Tema East Constituency. Din yi yʋʋm tusa ayi nɛ piinɛ atan (2013) paae yʋʋm tusa ayi nɛ piinɛ ayɔpɔi (2017), o da anɛ Mayor nɛ Metropolitan Chief Executive tis Tema Metropolitan Area sʋ’ʋlim.

On sin’iŋ si’em nɛ o sakur yɛla

Ba da dʋ’a Odamtten nɛ yʋʋm tusir, kɔbiswai nɛ pisyɔpɔi nɛ ayi Nwadisa anu la dabpiinɛ atan daar (13 May 1972). O yinɛ Tema bɛ Greater Accra Region, Ghana. o da naae University of Cape Coast yʋʋm tusir, kɔbiswai nɛ piswai nɛ awai (1999) ka di’e bachelor of commerce degree (BCom). O lɛn mɔr Master of Business administration (MBA) in Accounting nɛ certificate in project management.

Tʋʋma

O tʋʋma sin’iŋir

Odamtten anɛ pa’an (teacher) o da sin’iŋi anɛ pa’an gbaʋŋ zamisʋg lʋgʋr la ni Ghana Education Service ka naan duoe ti kilim Finance officer nɛ Bursar sakur kan nɔɔ ni. o da yi anina keŋ International Commercial Banki aan ba head of finance nɛ senior manager of corporate services ka John Dramani Mahama naan gaŋ o ye an Mayor tis Tema sʋ’ʋlim yʋʋm tusa ayi nɛ piinɛ atan la ni (2013).

On da an Mayor tis Tema

O da anɛ Mayor nɛ Metropolitan Chief Executive tis Tema Metropolitan Assembly din yi yʋʋm tusa ayi nɛ piinɛ atan (2013) paae yʋʋm tusa ayi nɛ piinɛ ayɔpɔi (2017). Tʋʋm tita’akanɛ ka o tʋm anɛ on da sʋŋ ziŋgban’adib ka zimi tʋʋma la keŋ tuon ka di kɛ ka teŋ la paam ligidi yi ziŋgban’adib la’asʋg kanɛ bɛ Tema la da paam outboard motors la.

Yʋʋm tusa ayi nɛ piinɛ ayuobʋ Nwadisa atan la daba atan daar (3 March 2016), ba da vɔɔt o ye o an pirɛsidɛn tis National Association of Local Authorities of Ghana (NALAG) ka da paam suor 19th biennial national delegates conference kanɛ da bɛ Sunyani pin’il tʋʋma. O da paam vɔɔt kɔbisyuobʋ nɛ pisi nɛ anaasi (624) yi vɔɔt kɔbiswai nɛ pisnii pʋʋgin (980), gaad onɛ da nya’ad nɛ o la, James Gunu, onɛ da an district chief executive (DCE) tis Akatsi North, ka da paam vɔɔt kɔbistan nɛ pisnu nɛ ayuobʋ (356).

O da paas 16-member executive committee tis United Cities and Local Governments ninsabilis tɛɛnsin (Africa) (UCLG Africa). o da lɛn anɛ nidib ayi banɛ da zi’en West Africa Commonwealth Local Government Forum (CLGF) la yinne. World Cities Day yʋʋ tusa ayi nɛ piinɛ ayuobʋ (2016), ka on da dɔl Habitat III, o da anɛ nimbanɛ ka ba mɔr yi zin’is kɔn’ɔb kɔn’ɔb na ka di yinɛ Overseas Development Institute (ODI) Global Challenges dinɛ gɔsid tenkpɛmisi na niŋ si’em ka paami ba global SDG goals.

Din yi Nwadsa atan la dabpiinɛ ayuobʋ daar ken paae dabpisi nɛ ayi daar yʋʋm tusa ayi nɛ piinɛ ayuobʋ la ni (16 to 22 March 2016), o da gaad nidib tuon ka ba kaae Royal Borough Of Greenwich ka GUBA Enterprise dinɛ kpɛɛm an Dentaa sʋŋi ba. Kaar la yinɛ nɔɔryinne kanɛ Tema nɛ Royal Borough of Greenwich mɔr ka tɛɛns ayi la sʋŋid taaba gbaʋŋ zamisʋg ni, ninwisigir ni, nɛ gɔmena tʋʋma ni.

On da bɔɔd ye o lieb Wadmaan la

Odamtten da di Ma’asim tiig, National Democratic Congress tis Tema East Constituency gur yʋʋm tusa ayi nɛ pisi (2020) vɔɔtʋg la.

Yʋʋm tusa ayi Nwadis piinɛ ayi la ni (December 2020), Odamtten da diya ka bas Wadmaankanɛ pʋn dɛŋim zin’i Tema East Constituency kʋk la zug, Daniel Titus Glover nɛ vɔɔt tusa pisnaasi nɛ yinne, kɔbisyuobʋ nɛ piswai nɛ ayi (41,692) ka o tiraan la nyɛ vɔɔt tusa pistan nɛ yinne, kɔbiswai nɛ pisnu nɛ ayuobʋ (31,956) ka o di yʋʋm tusa ayi nɛ pisi (2020) vɔɔtʋg la.

Wadmaan tʋʋma

Yʋʋm tusa ayi nɛ pisi nɛ yinne Yʋʋmpaal Nwadig la daba ayɔpɔi daar (7 January 2021), Odamtten da paam suori lieb Wadmaan, Member of Parliament tis Tema East Constituency paas wadmaanib yikanɛ paasi anii Gaana republic kanɛ paasi anaasi la ni. O da paas la’askanɛ gɔsid Gender and Children nɛ tʋʋma nyɛɛb yɛla (Employment), Social Welfare and State Enterprises Committee of Parliament.

Mɛŋ bɛlim

Odamtten anɛ Kristo biig.