Wp/kus/Ghana national football team
| Subclass of | national association football team  |
|---|---|
| Country for sport | Ghana |
| Competition class | men's association football |
| Sport | association football |
| Participant in | 2006 FIFA World Cup, 2014 FIFA World Cup, football at the 1972 Summer Olympics, 2010 FIFA World Cup |
| Country | Ghana |
| Head coach | Otto Addo, Chris Hughton |
| Team captain | André Ayew |
| Owned by | Ghana Football Association |
| Official website | http://www.ghanafa.org/ |
| Kit supplier | Puma SE |
| FIFA country code | GHA |
Ghana national football team bɛ tis Ghana dabi nwɛ'ɛdi tisid international bɔɔl nwɛ'ɛb. Ba pʋr team la yʋ'ʋr ye Black Stars kadi yinɛ nwadibil sabil kani bɛ Afrika ka bɛ Ghana flak la ni. Di anɛ Ghana Football Association la gʋri di, dinɛ bɛ bɔɔl nwɛ'ɛb lʋgʋr Ghana nwa ni. Dinɛ da yi 1957 nii, ba da anɛ Gold Coast. Ghana da nyaŋi di ya'an ye ba kɛŋ FIFA World Cup ba yiiga daan bɛ 2006 yʋʋm la ni. Team la di Africa Cup of Nations nɔɔr anaasi (1963, 1965, 1978, nɛ 1982), ka mɛn naae runners-up nɔɔr anu (1968, 1970, 1992, 2010, nɛ 2015). Ba mɛn di nya'an ye ba kɛŋ CHAN nɔɔr anaasi, ka naae runners-up nɔɔr ayi' mɛn (2009 nɛ 2014).
Di pin'ilʋg
19 August 1962 Accra Sports Stadium la nii, ba da di'e saam Real Madrid, bani yʋ'ʋr da buon Spanish champions sankan, European champions kʋdʋg nɛ intercontinental champions ka nwɛ' alira 3–3. Charles Kumi Gyamfi da an kɔch 1961 yʋʋm la ni, ka nɔki ba di'e African Cup of Nations, bɛ 1963 nɛ 1965 ni. Black Stars paami ba nya'an diib la nɛ 13–2 yit Kenya nɛ' nya'aŋ ni. Ba da paae naae nwɛ'ɛb la bɛ 1968 nɛ 1970 ni, ka li nɛ 1–0 bɛ nwɛ'ɛb ayi' la ni, yit DR Congo bɛ 1968 nɛ Sudan 1970 yʋʋm la ni. Bani da mɔr paŋ la zug ka ba pʋdi ba ye "the Black Stars of Africa" dinɛ bɛ 1960s yʋʋm la ni. Bani mɔr bɛog la ka ba paam ye Black Stars la, bani da pʋ nyaŋi paas nɔɔr atan' bɛ African Cup of Nations dinɛ bɛ 1970s ni la. 1980s pin'ilʋg nii, nɛ nwɛ'ɛdib titara wʋʋ Abedi Pele, Black Stars di nya'an ka bas Libya bɛ 1982 African Cup of Nations naar nwɛ'ɛb dinɛ ka Libya da di'es saam la wʋsa la, Ghana da di ba nɔɔr anaasi nɛ ka lɛm an ba naar ti paae zina win. Si'elnam da lɛm diak, 1984 nwɛ'ɛb la nii, ba da yisi ba bɛ gurub zi'igʋn, ka pʋ nyaŋi paas 1986, 1988 nɛ 1990 yʋʋm la ni. 1992 nii, Black Stars da kɛŋ runners-up nɛ Ivory Coast bɛ penalty shootout dinɛ ka ba da nwɛ' alira, dinɛ ka nwɛ'ɛd wʋsa bani da bɛ pakin la da nwɛ' penati, dinɛ ka ba da dii ba nɛ 11-10. Black Stars da bɛnɛ gʋ'ʋgir ni, dinɛ ka African Footballer bɛ yʋʋm kanna, Abedi Pele ka ba da ye o kʋ nwɛ' bɛ naae nwɛ'ɛb la ni.
2000 saŋa laa, dabiemi da kpɛn' nwɛ'ɛdib la zug ka kɛ' ya ka mpnam nɛ zugdaan la da kpɛ'ɛs nu'ugi yɔ'ɔg suor ka Abedi Pele nɛ Tony Yeboah yʋ'ʋn nwɛ'. 1990s nii, nɛ' tɔn'ɔn da pɛ'ɛs ka team la pʋ nyaŋi ziel teambani nan du'od la naa. Ala zugɔ, Black Stars nwɛ'ɛdib bani da kɛŋ 2001 FIFA World Youth Championship naae la da li'eb "core" tis team la bɛ 2002 African Cup of Nations, ken ka sɔ' pʋ nyaŋidi ba 2005 yʋʋm la ni ka paasid naar nwɛ'ɛb dinɛ bɛ 2006 FIFA World Cup la ni. Black Stars la da si'igi nyaŋid nɛ 2–0 liib nɛ champions Italy, ka di Czech Republic (2–0) nɛ United States (2–1). Nɛ' da tusi ba kɛŋ ka ba kpan' nɛ Brazil ka li nɛ 3–0.
Kɔch kpɛɛm Milovan Rajevac, Black Stars la da kɛŋi di'e 100% nya'an bɛ qualification campaign, ka di yi ba gurub la ni ka an yiiga African team na paasi bɛ 2010 FIFA World Cup la ni. Naar nwɛ'ɛb la nii, ba da digili banɛ Group D nɛ Germany, Serbia nɛ Australia, kɛŋ tuon pɛ'ɛs round of 16 dinɛ ka ba da kpan' nɛ United States, ka di 2–1 bɛ saŋa kani ka ba da paas team kani ma'aa