Wp/kus/Commission on Human Rights and Administrative Justice (CHRAJ)
| Inception | 1993  |
|---|---|
| Country | Ghana |
| Member of | International Association of Anti-Corruption Authorities |
| Official website | https://chraj.gov.gh/ |
Commission on Human Rights and Administrative Justice anɛ asʋ’o-m-mɛŋ gɔmena tʋʋma lʋgʋr kanɛ gu’ud ninsaalib nyadi (human rights) ka lɛn vɛɛnsid banɛ san’amid nidib nyadi Ghana. Ba da maali di nɛ yʋʋm tusir kɔbiswai nɛ piswai nɛ tan’ la ni (1993) dɔlisid Act 456 dinɛ bɛ Parliament of Ghana, nwɛnɛ yʋʋm tusir, kɔbiswai nɛ piswai nɛ yi Ghana wada gbaʋŋ (1992 Ghana constitution) la Article 216 yɛl si’em la.[1]
Di pin’ilʋg
Yʋʋm tusir, kɔbiswai nɛ piswai nɛyi Ghana wada gbaʋŋ la (1992 Ghana Constitution) tis wadmaannib la suor ye ba maal lʋgʋr kaŋa ka di zab nidib nyadi yɛla, National Human Rights Institution of Ghana, Ombudsman of Ghana nɛ Anti-Corruption Agency and Ethics Office tis Public Service of Ghana. Ba da pin’il lʋgʋr la yʋʋm tusir kɔbiswai nɛ piswai nɛ tan’ la ni (1993) ka maal CHRAJ Act, dinɛ an Act 456.[2]
Din an si’em
Commission mɔrnɛ kpɛɛm (commissioner) nɛ o nya’adɔlib ayi (two deputy commissioners), banɛ ka Ghana zuraan gaŋid dɔlisid Ghana wada gbaʋŋ la Article 70. Kpɛɛm la (the commissioner) nar ye o mɔr zi’esim kanɛ pa’al ye o na nyaŋi aan Appeal kɔɔt Piyam (Justice of the Appeal Court) ka nya’adɔlib la nar ye ba an High kɔɔt Piyamnam (Justices of the High Court).[1]
Onɛ da an yiiga commissioner da anɛ Emile Short onɛ da naae o tʋʋma tʋʋma yʋʋm tusa ayi nɛ piiga la ni (2010), yʋʋm tusa ayi nɛ anaasi la ni (2004) o da sɔs suori keŋ lieb justice bɛ United Nations International Criminal Tribunal for Rwanda,[3] o nya’andɔl Anna Bossman da zi’eni o nɔba zug tʋm commissioner tʋʋma sankanɛ ka o da kae la.[4] O da lɛbi o tʋʋma ni na yʋʋm tusa ayi nɛ awai la ni (2009) ka naae yʋʋm tusa ayi nɛ piiga la ni (2010).[5][6] Madam Lauretta Lamptey da di’e on da gaad la.[7] Yʋʋm tusa ayi nwadisa ayɔpɔi la ni (July 2012), Zuraan John Atta Mills da zuŋ Joseph Akanjoluer Whittal ye o aan o nya’andɔl (deputy commissioner).[8] Zuraan Mahama da gaŋ Joseph Whittal ka o di’e Lauretta Lamptey zi’esim la yʋʋm tusa ayi nɛ piinɛ ayuobʋ la ni (2016).[9]
Commission la bɛ sʋʋgʋn di’esid ka maan daʋŋ banɛ bɛ gɔmena tʋʋma zin’isin. Di nwɛnɛ di na nyaŋi maal wala tisi asʋ’o-m-mɛŋ lʋga nɛ ka di yinɛ ban sɔb Article 218 (c) si’em la.
Banɛ da an kpɛɛmnam
| Banɛ da an kpɛɛmnam | ||||
| Kpɛɛm (COMMISSIONER) | Dabisir kanl
(DATE) |
Onɛ da gaŋi o (APPOINTED) | Nya’adɔlib
(DEPUTIES) |
|
| Emile Short | (1993 - 2010) | Jerry John Rawlings | Anna Bossman | Retired[6] |
| Anna Bossman | (2004 - 2009) | John Kufour | resigned | |
| Lauretta Lamptey | (2011 - 2015 | John Evans Atta Mills | Joseph Whittal[9] | Dismissed[10] |
| Joseph Whittal | (2016 - | John Dramani Mahama | Richard Quayson[11] / Mercy Larbi[12] | |
Gbanvɛɛnsa
- ↑ 1.0 1.1 http://www.unhcr.org/refworld/docid/44bf7f804.html
- ↑ https://constitutionnet.org/sites/default/files/Ghana%20Constitution.pdf
- ↑ https://unictr.irmct.org/en/news/judge-emile-francis-short-sworn
- ↑ https://www.modernghana.com/news/335456/anna-bossman-i-felt-frustrated-by-ruling-on-dr.html
- ↑ https://allafrica.com/stories/200908031191.html
- ↑ 6.0 6.1 https://web.archive.org/web/20101205012838/http://news.myjoyonline.com/news/201012/56870.asp
- ↑ https://web.archive.org/web/20121006174143/http://www.ghanaweb.com/GhanaHomePage/NewsArchive/artikel.php?ID=214821
- ↑ http://www.ghanaweb.com/GhanaHomePage/NewsArchive/artikel.php?ID=245343
- ↑ 9.0 9.1 https://www.ghanaweb.com/GhanaHomePage/NewsArchive/Mahama-confirms-Joseph-Whittal-as-CHRAJ-boss-495837
- ↑ https://www.ghanaweb.com/GhanaHomePage/NewsArchive/Mahama-sacks-CHRAJ-boss-Lauretta-Lamptey-392034
- ↑ https://www.ghanaweb.com/GhanaHomePage/NewsArchive/Fight-against-corruption-is-achievable-Mr-Quayson-810445
- ↑ https://www.graphic.com.gh/news/politics/ghana-news-mercy-larbi-elevated-as-deputy-commissioner-of-chraj.html