Wp/kus/Charlotte Kesson-Smith Osei

Charlotte Osei

human

Sex or gender	female
Country of citizenship	Ghana
Name in native language	Charlotte Kesson-Smith Osei
Given name	Charlotte
Family name	Osei
Date of birth	1 February 1969
Place of birth	Nigeria
Languages spoken, written or signed	English
Occupation	lawyer
Employer	National Commission for Civic Education
Position held	chairperson
Educated at	University of Ghana, University of South Africa, Queen's University, Ghana National College
Work location	Accra
Member of political party	independent politician
Member of	National Commission for Civic Education
Award received	Ghana Women of Courage Award

Charlotte Kesson-Smith Osei, Ba da dʋ’a o nԑ yʋʋm 1969 nwadisa ayi la ni li dabisir yinnԑ daar, o anԑ kͻmisina vͻtʋʋg la ni, o lԑn anԑ Ghana wadmaan ka mԑ kʋkdaan kʋdʋg kanԑ da tʋm vͻͻtʋg tʋʋma Ghana nil in yi yʋm 2015 keŋ paae yʋm 2018 nwadisa ayuobʋ la nika ba da yisʋ tʋʋma la ni. Linԑ da ta’asi o yib la da anԑ ligidi pian’abaalis da kԑnna. Ghana supreme court dim da mͻnԑ pian’ad tuam wadanam kͻn’kͻnb ayi. O da anԑ pʋ’akanԑ an yiiga sͻb tum Electoral Commission of Ghana lin yi saŋkanԑ ka Ghana da paam Asʋmmԑŋ la ni. Ban da nan pʋ nͻkʋ tʋʋma la ni la, o da anԑ kʋkdaan bԑ National Comission for Civil Education. Yʋm 2019 nwadisa anu la ni, ka United Nations dim da gaŋi o yԑ o an pian’azug sa’alisna ni, ka mԑ sʋŋ ka yʋm 2019 pԑrizidԑn vͻͻt la tʋʋma kԑŋ sʋm bԑ Afghanistan.

O bԑlim nԑ o sakur kԑn

Ba da dua Osei nԑ Nigeria, o ma kanԑ da la’as nԑ West Africa teŋ la da ka’ Ghana nida ka o saam mԑ la’as nԑ West Africa tԑŋ, o mͻr duadib banԑ an Ghana nidib. Osei da kԑŋ nԑ sakur bԑ Ghana National College linԑ bԑ Cape Coast. O da tͻlis nԑ kԑŋ University of Ghana zin’g kanԑ ka o paam o LLB yʋm 1992 la ni nԑ Ghana sakur kanԑ ka ba maan  wadanam la anina ka o paam mi’ilim k aba buolʋ yԑ o tʋm yʋm 1994. O mԑ mͻri Master of Business Leadeaship ka li yinԑ University of South Africa, Pretoria yʋm 2006, Master of (LLM), yitnԑ Queen’s University, Kingston, Ontario, Canada.

Tʋʋma

Osei da anԑ  pa’an nyandͻl bԑ wadmaanib ni, University of Legon, Legon yʋm 1994 kԑŋ paae yʋm 1995. o da tʋmnԑ wʋʋ wadmaanԑ bԑ Laryea kͻmpen  Accra lin yi yʋm 1994 kԑŋ paae 1997, o mԑ da anԑ kpԑԑm bԑ Ghana Commercial Bank lin yi yʋm 1997 keŋ paae yʋm 2002. O mԑ da lԑn pa’anԑ Commicial Law bԑ University yʋm 1997 paae 2003. Lin yi yʋm 2002 paae yʋm 2005, Osei da tʋm nԑ generai counsel tʋʋma bԑ Ghana Unibank la ni, ka lin yi yʋm 2005 paae yʋm 2011 ka an onԑ pin’il nԑ tuongat  bԑ Business Lawyers. Prime Attoneys. O da anԑ kʋkdaan bԑ National Commissioner for Civil Education yʋm 2011 paae yʋm 2015. Yʋm 2015, ba da gaŋ o nԑ yԑ o an kʋkdaan bԑ  Electoral Commission of Ghana ka o tʋm zugraan tʋʋma tis Ghana yʋm 2016 Presidential and Parliamentary Elections la ni yʋm 2019 nwadisa anu la ni, United Nations da gaŋi Charlotte Osei ka o an International Non-Voting Electoral Commissioner tis Ashraf Ghani. On an Non-Voting Electoral Commissioner o da tis nԑ gu’ud  bԑ Commissioner la ni ka ti’ebid vͻͻtʋg kanԑ wʋsa lԑb anina baba, o da sʋŋʋd yԑ o kԑ’ ka dinԑ wʋsa bԑ vͻͻtʋg ni ka an daʋŋ, o na kԑ’ k aba maal si’el wʋsa sʋŋa ka daaʋŋ kae li ni.