Wp/kus/Charles Konadu-Yiadom

Charles Konadu-Yiadom

human

Sex or gender	male
Country of citizenship	Ghana
Given name	Charles
Date of birth	24 May 1968
Languages spoken, written or signed	English, Akan
Occupation	politician, consultant
Position held	Member of the 7th Parliament of the 4th Republic of Ghana
Educated at	University of Ghana
Member of political party	New Patriotic Party
Religion or worldview	Christianity

Charles Konadu-Yiadom anԑ Ghana pↄlitis nwԑ’ԑd ka an wadmaan n paas wadmaanib yir linԑ paas ayↄpↄi la Ghana Republic linԑ paas anaasi la ni n tis Nkoranza South linԑ bԑ Bono East Region sʋ’ʋlʋm la, o anԑ Wabʋg Na’adↄↄg nid.

O vʋm pin’ilʋg nԑ sakur yԑla

Ba da du’a Konadu-Yiadom nԑ nwadis anu la dabisim piisi nԑ anaasi la yʋʋma1968 o yinԑ Nkoranza linԑ bԑ Bono East Region sʋ’ʋlʋm Ghana la. O da di’e o Diploma kasԑta gbaʋŋ bԑ zamisʋg linԑ an Democracy, Na’am diib yԑla, kpԑmbir nԑ Nↄbigir n yi University of Ghana sakurin la.

Tʋʋma

Konadu-Yiadom da an Darԑta n bԑ Brite Life Microfinance tʋʋma la ni.

Pↄlitis

Konadu-Yiadom anԑ Wabʋg Na’adↄↄg nid. O da anԑ wadmaan n tis  Nkoranza South sʋ’ʋlʋm lin da yi 2017 ti paae yʋʋma la ni 2021.

Yʋʋma 2016 vↄt yԑla

Yʋʋma 2016 vootʋg la ni ka Ghana dim da maal vↄt la ka o di, o da paamnԑ vↄt bam 22,300 kↄbiga pʋʋgin o da mↄri 50.7% vↄt la kanl wʋsa ni ka Ma’asim Na'adↄↄg Tiig nid la Emmanuel Kwadwo Agyekum mԑ da mↄr vↄt bam 21,315 ka kↄbiga pʋʋgin ka o mↄr 48.5% yi vↄt la kanl wʋsa ni, ka PPP nid la Emmanuel Osei Antwi mԑ da mↄr 227 ka kↄbiga pʋʋgin ka o mↄr  0.5% n yi vootʋg la kanl wʋsa ni, ka CPP nid Justice Baah Mathuselah da mↄr 100 ka kↄbiga pʋʋgin ka o mↄr 0.2% yi vootʋg la wʋsa ni, ka PNC nid Florence Ampour da mↄr vↄt bam 25 kↄbiga pʋʋgin o da mↄri 0.1% vↄt la wʋsa ni.

Yʋʋma 2020 vↄt yԑla

Yʋʋma 2020 vↄt la ni ka Ghana dim da maal la ka o kↄŋ kʋk la ka Ma’asim Tiig nid Emmanuel Kwadwo Agyekum di ka bas o. Konadu-Yiadom da mↄri vↄt bam 22,219 kↄbiga pʋʋgin o da mↄri 43.04% n yi vↄt la wʋsa ni ka Ma’asim Tiig nid la Emmanuel Kwadwo Agyekum mԑ da mↄr 29,408 kↄbiga pʋʋgin o da mↄri 56.96% vↄt la wʋsa ni, ka PNC nid la Florence Ampour da mↄr zaalim 0 kↄbiga pʋʋgin o da mↄri 0% vↄt la kanl wʋsa ni.

O vʋm bԑllim

Konadu-Yiadom anԑ Kristo biig.

Dinԑ ka o tʋm

Yʋʋma 2018 la ni, ka o da tis sakur bibis banԑ sↄbidi akarim gaad taaba (BECE) la diib n bԑ o sʋ’ʋlʋm la ni ba sↄbʋg saŋa la. O mԑ da lԑn da’ kʋkʋs wʋʋ bam kↄbis yi (200) n tis Nkoranza Senior High Technical Sakur la.Yʋʋma 2019 la ni, ka o da nↄk ligidi GHS 26,000.00 n sʋŋ ka ba tu bulis n tis Nkoranza Senior High Technical Sakur.

Nidib n yamis si’eli tis o

Nwadis piinԑ yinne la ni yʋʋma 2017 la ni, ka ba da yinԑ pian’a ye Konadu-Yiadom nwԑ’ԑ Diana Attaa Kissiwaa malifu, Nkoranza sʋ’ʋlʋm D.E.C. la ba da yinԑ nԑ pian’adnam bԑdigʋ na’asaa sↄↄngin. Lin nya’aŋ ka ti Ghana pulis da yina yԑl ye li ka’a sidaa.