Wp/kus/Bryan Acheampong

Bryan Acheampong

human

Sex or gender	male
Country of citizenship	Ghana
Given name	Bryan
Date of birth	27 November 1972
Place of birth	Ghana
Languages spoken, written or signed	English
Occupation	politician, consultant
Position held	Member of the 7th Parliament of the 4th Republic of Ghana, Member of the 8th Parliament of the 4th Republic of Ghana
Educated at	Johnson & Wales University, University of Ghana
Member of political party	New Patriotic Party
Religion or worldview	Christianity

Bryan Acheampong anɛ Ghana pɔlitis nwɛ’ɛd, ba da du’anɛ Buniya nya’aŋ nwaris piinɛ yinne la ni li dabisim piisi nɛ ayɔpɔi yυυm tusir nɛ kɔbiswai nɛ piisyopɔi ne ayi la ni O anɛ wadmaan n tis Abetifi  linɛ bɛ Gaana  Eastern Region sυ’υlυm la. O anɛ Wabυg Na’adɔɔg la nid. Peter Wiafe Pepera da bɛ kυk la zug ka kpi la onɛ da di’e o. Onɛ da an ti Ghana pυlis Minista lin da yi Buniya nya’a nwaris ayi yυυma tusa yi’ nɛ piina wai n ti paae yυυma tusa yi’ nɛ piisi la ni. Yυυma tusa yi’ nɛ piina yuobu la ni ka o da da’ Okwawu United F.C la.

O vυm pin’ilυg nɛ o sakur yɛla

Ba da du’anɛ Buniya nya’aŋ nwaris piinɛ yinne la ni li dabisim piisi nɛ ayɔpɔi yυυm tusir nɛ kɔbiswai nɛ piisyopɔi ne ayi la ni n bɛ Suhum linɛ bɛ Gaana Eastern region sυ’υlυm la. . Bryan yinɛ  Nkwatia linɛ bɛ Gaana Kwahu East sυ’υlυm la.  O si’iŋi o sakυri bɛ Achimota Primary sakur la ni ka tɔlis Presbyterian Boys Secondary Sakur linɛ bɛ Legon la. O da lɛn tɔlisi keŋ Johnson and Wales University (USA) la naae ka di’e kasɛta gbaυŋ linɛ an ye MBA Business Administration la. Ka lin nya’aŋ ka o tɔlisi maal o PhD N bɛ University of Ghana sakur la ni naae ka di’e kasɛta gbaυŋ linɛ an Information Systems la. O da lɛn tɔlis Massachusetts Institute of Technolog.  O lɛn mɔr HP n yi HP University.

O tυυma

O da tυmnɛ bɛ US Air Force lin yi tusa yi’ nɛ anaasi la ni n ti paae yυυma tusa yi’ nɛ ayuobu la ni. Onɛ da an langima nam la Minista.  O anɛ Consultant. Onɛ da an CEO INTU-Group Ankara sυ’υlυm. Nannanna onɛ an lagima nam Minsta la kpɛɛm nya’andɔl.

O pɔlitiks bɛllim

O anɛ Wabυg Na’adɔɔg nid. O anɛ wadmaan n tis Abetifi linɛ bɛ Gaana Eastern region sυ’υlυm la.

2016 vɔt la yɛla

Yυυma tusa yi’ nɛ piina yuobu vɔt la ni ka ba da vɔt ka Abetifi wadmaanib kυk la, o da paam vɔt bam 23,432 kɔbiga pυυginɛ o da mɔri 74.61%  vɔt ka o tiraan onɛ da an Ma’asim Tiig Na’adɔɔg la zug Tabi Emmanuel da mɔri 7,975 kɔbiga pυυginɛ o da mɔri  25.39%.

2020 vɔt la yɛla

Yυυma tusa yi’ nɛ piisi la ni ya’as ka ba vɔt ka o di Abetifi sυ’υlυm wadmaanib kυk la o da mɔr vɔt bam 25,035 kɔbiga pυυginɛ o mɔri 72.42% ka Ma’asim Tiig nid Samuel Asamoah da mɔri 9,536  kɔbiga pυυginɛ o mɔri 27.58% vɔt.

Kpɛɛm banɛ ni ka o paas

Onɛ an kpɛɛm banɛ gɔsid Foreign Affairs kυk daan, ka lɛn kpɛɛm banɛ gɔsid Defense and Interior la ni. O mɛ paas kpɛɛm banɛ gɔsid ka ba gaansid nidib tisidi ba tυυma la ni.

On da an Minista la

Nannanna onɛ Minista kanɛ gɔsid ti Gaana diib nɛ kuob nɛ Gυ’υl yɛla la. Atilata daar, nwadis ayi la li daba yɔpɔi yυυma tusa yi’ nɛ piisi nɛ atan’ la ni, ka ti Gaana wadmaanib yir kpɛɛm onɛ an pian’adi’es la Alban Sumana Bagbin da yinɛ bas suor ye o an Minista la O da di’e kpi’euŋ nwanɛ yi Dr. Owusu Afriyie Akoto onɛ da an Minista lin da 2017 ti paae 2023 la ni. Dr. Owusu Afriyie Akoto bas tυυm kanna ka yυ’υn duoe zi’en ye o zi’en Wabυg Na’adɔɔg la zugu nya’a ti Gaana Gɔmina na’am vɔt kanɛ kenna la. Ba da gaŋ o ka siaki tis ye o an Minista kanɛ gɔsid Gaana sυ’υlυm wυsa, n bɛ Gɔmina tυυma dɔɔgin nwadis anaasi la li daba anaasi, yυυma tusa yi’ nɛ pii nɛ ayɔpɔi la ni.

O vυm bɛllim

O mɔr pu’a. O anɛ Kristo biig, o anɛ Presbyterian dim karim biig.

Tυυma suma banɛ ka o tυm

Buniya nya’aŋ nwaris ayɔpɔi la yυυma tusa yi’ nɛ piina wai la ni o da nɔk generator nam bam 150kv n tis Presbyterian College of Education (ABETICO)  n bɛ Abetifi linɛ bɛ Eastern Region sυ’υlυm la.

Buniya nya’aŋ nwaris anii la yυυma tusa yi’ nɛ piina wai la ni Bryan da dɔlis o tυυma linɛ da buon ye Bryan Acheampong Foundation n tis Presbyterian University College ligidi linɛ an wυυ GH¢250,000 [19].

Buniya nya’aŋ nwaris anaasi la yυυma tusa yi’ nɛ piisi la ni ka o da lɛn tis Afram Plains North, Afram Plains South, Abirem, Mpraeso, Nkawkaw, Abetifi nɛ Suhum ligidi linɛ da an ¢820,000 la.

In February 2021, he supported in the construction of over 100 boreholes in Abetifi, Pampaso, Abetifi Christian Quarters, Nkwatia, Kwahu-Tafo, Bokuruwa, Nteso, Ankomah, Akwasiho, Dwerebease and Suminakese.

Buniya nya’aŋ nwaris ayɔpɔi la yυυma tusa yi’ nɛ piisi nɛ yinne la ni ka o da tɔd kpaarib la’ad, o da tis ligidi linɛ an ¢500,000 ka o nɔki tis kpaarib wɔɔ bam 6,000 n bɛ Kwahu East sυ’υlυm la ni ye ba di’e sυŋɛ ba pɔɔdin tυυma.

Buniya nya’aŋ nwarig yinne la yυυma tusa yi’ nɛ piisi nɛ ayi la ni ka o da tɔd Suzuki Swift SRS n tis pu’adu’as nam banɛ bɛ Abetifi sυ’υlυm la.

Buniya nya’aŋ nwaris anii la yυυma tusa yi’ nɛ piisi nɛ ayi la ni, ka o da tɔd ¢170,000, 42 n tis tɛɛla nsiindib lυgυr la ka mɛ tis banɛ maan zut la hair dryers bam 26.

Piini  banɛ ka ba tis o

Buniya nya’aŋ nwaris anaasi la yυυma tusa yi’ nɛ piisi la ni Kasapreko Company Limited dim da du’os o yυ’υr hali ye o mɔya nɛ sυŋυ kanɛ ka o sυŋ n kati wa’ae COVID-19 ba’as la yɛla la.

Buniya nya’aŋ nwaris anii la yυυma tusa yi’ nɛ piisi nɛ yinne la ni ka Gaana pa’an-pa’anib lυgυr la du’os o yυ’υr hali ye o mɔya nɛ on sυŋid Kwahu East su’υlυm sakur bibis nɛ ligidi ka ba ken sakur la.