Wp/kus/Azaya 23

AZAYA 23

Zugsɔb la pian' Taya yɛla 
1 Labakaŋa anɛ Taya yɛla. 
Tarsis dima, kaasimi! 
Yanam banɛ mɔr anrima 
ka ba bɛ ku'omin la ken lallisa kpiisid la. 
Kaasimi Taya san'auŋ la zug 
ka yir bɛɛ anrʋŋ zi'elʋg zin'ig lɛn kae. 
Labaar la yinɛ Saipuros teŋin na yɛli ba. 
2 Aaɛn baanlimm, 
yanam banɛ bɛɛ Atɛuk nɔɔrin la, 
nɛ yanam Sidon kpikpinkpinnib, 
ka banɛ kpiisid atɛukʋn la kɛ ka ya paam kpan'am la. 
3 Siihor zʋʋd naan ku'otita'ar la suoya 
linɛ ka ba bʋn Nail kɔldaugin la yit na. 
Li wʋsa anɛ ya kuosim, 
ka ya lieb tɛɛns bɛdegʋ da'. 
4 Sidon teŋa, kɛl ka nyan kpɛn'ɛf, 
nɛ fʋn kanɛ aan atɛuk kpi'euŋ zin'ig la! 
Atɛuk la pian'adi tisidif ye, 
“Man nan zi' sa'ae bɛɛ du'aa. 
M nan zi' ugus biribis bɛɛ bipumisɛ.” 
5 Egipt dim ya'a wʋm labaar la 
li na paki ba hali pamm, ban wʋm Taya yɛla la. 
6 Lɔ'ɔŋim keŋ paae Tarsis, 
kaasimi, yanam banɛ bɛ ku'om nɔɔrin la. 
7 Tempʋkanɛ da mɔr sumalisim la nwaa? 

Tempʋkanɛ da pin'il kʋdimin sa

ka o nidib ken teŋ lalli mɛɛd ya' ka zin' ani la nwaa? 
8 Anɔ'ɔnɛ gban'e Taya yɛla anwa? 
Taya onɛ di'esid na'anam na'am la, 
ka o kpikpinkpinnib an na'abiis, 
ka o nimbanɛ kpiisid mɔr yʋ'ʋri gat dunia dim wʋsa la. 
9 Zugsɔb onɛ an Paŋtita'ar Sɔb la gban'e li, 
ye o sigis banɛ mɔr nyɛɛsim dʋ'ʋsidi ba mɛŋ la, 
nɛ banɛ kɛt ka ba mɔr yʋ'ʋri gat dunia dim wʋsa la. 
10 Tarsis teŋ pu'aba, kuomini ya pɔɔd 
wʋʋ Egipt dimi kuod linɛ bɛ Nail kɔldaug nɔɔrin si'em la, 
bɔzugɔ ya kʋ lɛm mɔr zin'ikanɛ ka anrima na zi'enɛ. 
11 Zugsɔb la tiɛn o nu'ugʋ kpa' atɛuk la, 
ka kɛ ka na'anam kirid. 
O tis nɔɔr Fonisia yɛla, 
ye ba san'am o kpi'euŋ zin'is la wʋsa. 
12 O yɛl ye, “Sidon teŋa, fʋ sumalisim la naae ya! 
Fʋ yʋ'ʋn nyɛ mugusʋg! 
Duom lɔ'ɔŋ Atɛukʋ keŋ paae Saipuros teŋin, 
hali baa anina fʋ kʋ nyɛ vʋ'ʋsʋm” 
13 Gɔsim Babilon teŋ dim la, ba lɛn ka' vɔɔnrɛ! 
Li anɛ Asiria dim la tʋmmi li, 
ka kɛ ka wɛog bʋnkɔnbid di'e zin'ig la. 
Ba da giligi li, ka maal datti dʋ zaŋguoma la 
san'ami ba kpi'euŋ zin'is la 
ka kɛ ka li lieb dabɔɔd. 
14 Kaasimi, yanam Tarsis dim banɛ tʋm anrima tʋʋma la; 
ya kpɛn'ɛb zin'ig la san'am ya! 
15 Saŋa kenna ka ba na tam Taya yɛla yʋma pisyɔpɔi, li na nwɛnɛ na'ab nyɔvʋr bɛllim saŋa nɛ. Amaa yʋma pisyɔpɔi la bɛn ya'a gaad, Taya na nwɛnɛ pu'agɔɔndir kanɛ ka ba yʋ'ʋm o yɛla ye, 
16 Fʋn onɛ an pu'agɔɔndir ka ba tami fʋ yɛllɛ, 
nɔkimi fʋ kɔn ka gilig tempʋʋg la wʋsa. 
Nwɛ'ɛm kɔn la sʋ'ʋŋa, 
ka yʋ'ʋm yʋʋma bɛdegʋ, 
ka ala ka ba na tiɛn fʋ yɛla. 
17 Yʋma pisyɔpɔi la bɛn ya'a ti gaad, Zugsɔb la na kɛ ka Taya teŋgbauŋ la lɛbi li tʋʋm kʋdigin la. Li na lɛn lɛbi li yaalʋg tʋʋma la ni wʋʋ pu'agɔɔndir nɛ, ka zaŋ o mɛŋi kuosi tis dunia tɛɛns wʋsa. \v 18 La'an nɛ wala, nyɔɔd nɛ ligidi linɛ wʋsa ka o nyɛt la na anɛ Zugsɔb la din. O kʋ nɔki li su'a, ba na mɔr nyɔɔd na tis banɛ bɛ Zugsɔb tʋʋma ni la, ka diib nɛ fuud na bɛ bɛdegʋ.