Wp/kus/Azaya 18
AZAYA 19 Zugsɔb la pian' Egipt yɛla
1 Zugsɔb la pian' labakaŋa Egipt yɛla:
“Gɔsima, Zugsɔb la ban'adnɛ saŋgbana \q2 ka li zɔt tɔ'ɔtɔ ken Egipt na. \q1 Egipt bada la kirid o tuon \q2 ka Egipt dim ya'am bɔdig.
2 M na kɛ ka Egipt dim zab nɛ taaba, \q2 ba'abiis na zab nɛ taaba, ka kpi'es mɛ na zab nɛ taaba, \q1 teŋ na zab nɛ teŋ \q2 ka sʋ'ʋlim zab nɛ sʋ'ʋlim
. 3 Dabiem na kpɛn' Egipt dim,
ka m kɛ ka ba gban'ar wʋsa lieb zaalim. \q1 Ba na bu'osi ba bada la
nɛ kpi'imnam nɛ kikiris sɔb ban na niŋ si'em.
4 M na nɔk Egipt dim la wʋsa \q2 niŋ onɛ mɔr paŋi gati ba la nu'usin.
O anɛ bugusim sɔb hali: \q2 na'akanɛ ka nidib zɔt dabiem la na sʋ'oe ba,”
Zugsɔb onɛ an Paŋtita'ar Sɔb la yɛl si'em la.
5 Kɔldaug la ku'om na kpiɛn, \q2 kɔldaug la pʋʋgin na ga'aŋi kʋdig.
6 Ku'om la dɔl suosieba zɔt la na pun'oe nyuusid,
Egipt kɔldabibis la ku'om na sie hali.
Li na ba'asi kʋdig,
ka kɔlkɛɛna nɛ dindɛgɛɛns na kʋdigi kpi,
7 la'an nɛ tiis banɛ bɛ Nail kɔldaug nɔɔrin la.
Linɛ wʋsa ka ba bʋdi dɔlis Nail kɔldaug la
tʋʋlʋg na wʋmi li ka li kʋdig
ka pɛbisʋg kanligi lii keŋ ka li kʋ lɛm bɛɛ.
8 Ziiŋgban'adib na kaasid ka nyɔn,
banɛ lɔsid gu'os nɛ banɛ mɔr zulis nɛ asau
gban'ad zimi Nail kɔldaugin la na kaasid ka nyɔn;
banɛ lɔbid asau nɛ banɛ sigid ku'omin nɛ zulis la na gɛn ka gaad.
9 Banɛ tʋm gum tʋʋma wʋsa
la'an nɛ banɛ ʋgʋd gum la ti'ir naae ya.
10 Banɛ tʋm fuud tʋʋma la na mɔr sʋnsa'aŋ,
ka banɛ tʋm ka ba yɔɔdi ba dabisir wʋsa la sʋnf na san'am
11 Zoan teŋ tuongatib la anɛ nɛɛm-nɛɛm;
ba anɛ zɔn;
banɛ ye ba mɔri ya'am ka sa'an Faaro la,
ba wʋsa tisid o nɛ ya'amka'alʋg sa'alʋg.
Ya na niŋ wala yɛl Na'ab Faaro ye,
“Tinam anɛ ya'am dim \q2 ka mɛ an kʋdimin na'anam la nya'andɔliba?”
12 Na'ab Faaro, fʋ ya'am dim la bɛ yaanɛ?
Kɛl ka ba pa'alif ka fʋ baŋ
Zugsɔb onɛ an Paŋtita'ar Sɔb la gban'e Egipt yɛla si'em la
13 Zoan tuongatib la lieb nɛ zɔn,
Memfis na'ayikpɛm la mɛ kɛlisid dama'am dim;
ban nɛ nimbanɛ mɔr teŋ la paŋ la kpɛn'ɛs Egipt dim mɔɔg.
14 Zugsɔb la kɛ ka sibɛ'ɛd sigi ba san'an \q2 ka ba nini sɔbid ka ba pʋ nyɛt sʋ'ʋŋa,
ka kɛ ka Egipt dim kennɛ gɛrid ban tʋm si'el wʋsa,
wʋʋ danuudi gɛridi nɔɔd o mɛŋ tiindi satid nɛ.
15 Egipt dim kʋ nyaŋi maal si'ela,
sɔ' ka' ani an nɔŋdaan bɛɛ kpan'am sɔb ka na nyaŋi sʋŋi baa.
16 Saŋkan la Egipt dim na ti nwɛnɛ pu'ab nɛ, dabiem na ti kpɛn' ba hali, saŋkanɛ ka Zugsɔb onɛ an Paŋtita'ar Sɔb la na ti duoe ye o namisi ba la.
17 Juda dim na kpɛn'ɛs Egipt dim la dabiem, ka onɛ wʋsa ka ba pʋdig Juda dim yʋ'ʋr o san'an la, o ya'am na iank, Zugsɔb la gban'adi ba yɛla si'em la zug.
18 Saŋkan la Egipt tempʋʋs anu na pian'ad Keenan teŋ pian'ad, ka pɔɔd nɛ Zugsɔb onɛ an Paŋtita'ar Sɔb la yʋ'ʋr, ba na buon tɛɛns nwa' yinne ye Winnig Tempʋʋg.
19 Saŋkan la ba na maal Zugsɔb maan daka Egipt teŋ la teŋsʋk, ka ba'a kugir kanɛ tiɛnd Zugsɔb la yɛla teŋ la titɔndigin.
20 Li na anɛ zanbin ka an kasɛti tis Zugsɔb onɛ an Paŋtita'ar Sɔb la, bɔzugɔ ba ya'a ti nyɛ mugusʋg ka kaasi tis Zugsɔb la, o na tisi ba faangid nɛ onɛ na zabi ba yɛla, ka o na faaɛn ba.
21 Ala ka Zugsɔb la na kɛ ka Egipt dim baŋ o, saŋkan la ka ba na tiɛn Zugsɔb la yɛla. Ba na zun'od o ka maan maana nɛ zʋʋd piini, ba na zi'el nɔɔri tis Zugsɔb la ka dɔlisi li.
22 Zugsɔb la na kɛ ka Egipt dim nyɛ mugusʋg, o na mugusi ba ka lɛn tisi ba yɔlisim. Ba na lɛb o san'an na ka o wʋmi ba sɔsʋg ka tisi ba yɔlisim.
23 Saŋkan la ya'a ti paae, suoratita'ar na yi Egipt kennɛ Asiria. Asiria dim na ken Egipt ka Egipt dim mɛ na ken Asiria. Egipt dim nɛ Asiria dim na la'asi zun'od Zugsɔb la
24 Saŋkan la ya'a ti paae, Israel na paas Egipt nɛ Asiria. Tɛɛns atan' nwa' na kɛ ka dunia la nyɛ albareka.
25 Zugsɔb onɛ an Paŋtita'ar Sɔb la na niŋi ba bareka ka yɛl ye, “Albareka bɛ nɛ Egipt dim banɛ an m nidib la, nɛ Asiria dim banɛ ka m nu'ug maali ba la, nɛ Israel dim banɛ an m mɛŋ faar la.”