Wp/kus/Anthony Akuka Atongi
| Sex or gender | male  |
|---|---|
| Given name | Tony |
| Occupation | teacher, politician |
Mr. Anthony Akuka Atongi onɛ ka nidib buon ye Tony, du'am yʋʋm anɛ December 22, 1954, tisi o saam Mr. Bugnab Atongi nɛ o ma Alapouka Azure, banɛ zan' digi ba nu'ug zug. Onɛ da an kpaanri tis o ma biis piinɛ atan', dinɛ ka dab an anu ka pʋ'ab an anii, ka ayɔpɔi kpi.
Anthony da pin'ili o sakurnɛ Pusiga’s L. A. Primary and Middle Schools. O da kɛŋ tuoni sɔb o kpansib buosa ka paam suor kɛŋ Tamale Secondary School, dinɛ ka buon ye Tamasco giŋa la. O da bɔɔd ligidi ye o da' gbaʋŋ amaa la'af da ka'e. Suori ka'e la zugɔ o da sɔs ligidi yi o tɔn' yinne kanɛ bɛ Kumasi la ni ye o paami da' gbaʋŋ la.
“li da nɔk nwɛnnɛ bakɔi ayi ka o naam paam ligidi la da' gbaʋŋ la kpi sakurin la. Onɛ da paam suori kɛŋ sakurin la, ka li kpɛlimnɛ bakɔi atan' nɛ basib ka'' Gertrude yel nɛ' nam wʋsa.
Pusʋg dimɛ sɛnlim philanthropist onɛ mɔr yʋma 67 ka sʋŋ nidib la yɛla.
Banɛ daa maan yiiga tiɛɛr tisid Anthony Akuka Atongi onɛ digi o nu'ug zug la, zuanam nɛ buudi la daa buol nidib wʋsa ye ba la'asi tɛnrig onɛ kɛ ka dunia la an sʋm sieba la. O biig Getrude Atongi yɛl ye ''daʋ kani ka ti tiɛɛri o yɛl la da anɛ sigisidi o mɛŋ. O da sʋŋid ka kpɛmisid nidib bɛllim ka li an ye omɛ da mɔr kpa'am biela la. O lɛm kɛŋ tuoni ye, nidib tusa yɛl ye ba da paam sʋŋir yit Anthony Akuka Atongi onɛ digi o nu'ug zug la da bɔɔdnɛ ye o kɛ ka dunia malisi tis nidib.[1]
Atongi onɛ digi o nu'ug zug la da anɛ onɛ mɔr ya'am nɛ pʋtɛn'ɛr sʋŋ dinɛ zi Atongi Family and Friends Basic Need Foundation, dinɛ ka o da gaadi li tuon tkɛŋ paae o kum 2018 ni. O daa kpinɛ December 31, 2021 ka ba mum o February 18, 2022 ni, o saam yir bɛnɛ Pusʋg dinɛ bɛ Upper East region la.[2]
O nu'ug tʋʋm
Atongi onɛ digi o nu'ug zug la anɛ pa'an, philanthropist, social worker, nɛ political activist bɛ New York dinɛ bɛ USA la.
Anthony sʋŋ nidib siem.
La'anɛ Marcia, Lisa, nɛ Vennica ka' o bidu'aris la, o da gɔsi ba nɛ sʋ'ʋŋa. Anthony onɛ digi o nu'ug zug la o da pʋdigi o la'ad ye li sʋŋ o mɛŋ tɛŋ Ghana, Pusiga, Tayondo, Jamaica nɛ bɛdigʋ sa.
O lʋgʋr la da nɔk Hairiya Primary School dinɛ bɛ Pusiga A la ni, dinɛ ka sakur biis nwɛnnɛ 85% yʋ'ʋn mɔr kukzi'era, sakur fuud nɛ ta'adanam. Di lɛm tisnɛ A-nwaandaag-gʋ'-waad nidib piinɛ anu Pusiga pʋʋgʋn nɛ O pʋ'a tɛŋin Tayondo.
O buudi yɛla
O da anɛ saam sʋŋi tis biis atan' banɛ an Gertrude, Judith, nɛ Anthony Jr. Anthony da lɛm anɛ onɛ an yaadaʋ sʋŋi tis Kylie, Sarah nɛ Emmanuel paasnɛ Gifty Appini[3].
Gbanvɛɛnsa
- ↑ https://www.bing.com/ck/a?!&&p=952d00260e110488JmltdHM9MTY5NTUxMzYwMCZpZ3VpZD0zYTIwYTA0YS0wN2U2LTY0ZTAtMzFlMy1iMmE5MDY0YzY1MDQmaW5zaWQ9NTIyMQ&ptn=3&hsh=3&fclid=3a20a04a-07e6-64e0-31e3-b2a9064c6504&psq=Anthony+Akuka+Atongi&u=a1aHR0cHM6Ly93d3cucGFnZXNnaC5jb20vMjAyMy8wMS8yNy9wdXNpZ2EtY2VsZWJyYXRlcy1sYXRlLXBoaWxhbnRocm9waXN0cy02Ny15ZWFycy1jaGFuZ2luZy1saXZlcy8&ntb=1
- ↑ https://www.bing.com/ck/a?!&&p=67252862da63c927JmltdHM9MTY5NTUxMzYwMCZpZ3VpZD0zYTIwYTA0YS0wN2U2LTY0ZTAtMzFlMy1iMmE5MDY0YzY1MDQmaW5zaWQ9NTMyMw&ptn=3&hsh=3&fclid=3a20a04a-07e6-64e0-31e3-b2a9064c6504&psq=Anthony+Akuka+Atongi&u=a1aHR0cHM6Ly9nb3RvcG5ld3MuY29tL2VuLUdIL1RyZW5kcy8yNi0wMS0yMDIzLW1haG11ZC1tb2hhbW1lZG51cnVpZGVlbi1wdXNpZ2EtaXMtY2VsZWJyYXRpbmctYXRvbmdpcy02N3llYXJvbGQtbGlmZS0xNTY3MzQw&ntb=1
- ↑ https://myjoyonline.com/pusiga-celebrates-late-philanthropists-67-years-changing-lives/