Wp/kum/Таж-Магьал
Таж-Магьал – 1629-нчу йылда Уллу Могъол (Акъсакъ Темирни наслулары) императорлугъуну солтаны Шагь-Жагьанны уягьлюсю Арзуман-бану ону дёртюнчю авлетин тапгъан сонг хапарсыздан гечине. Огъар шо вакътиде 36 йыл тюгюл болмагъан. Кёп йыллар татывлукъда яшагъан, аривлюкге аты айтылгъан, терен гьакъыллы сырдашы ва ойчусу, яшав ёлдашы болгъан уьягьлюсюне Шагь-Жагьан бек къайгъыра. Узакъ заман къайгъыгъада батылып, Арзуман-бануну къабуруну уьстунде огъар лайыкълы эсделик имарат тургъузмагъа токъташа. Шулайлыкъда 350 йыл алдын(Оо девюрд Уллу Могъолланы табилигинде болгъан) гьалиги Индияны топурагъында къала къурма башлай. Огъар сюювню къаласы деп де айтыла - Таж-Махал мавзолей 1653-нчю йыл(он йыллар узатылгъан) къурула. Бу мавзолейни къурмакъ учун солтан Шагь-Жагьан бютюн дюньядан айтылгъан усталаны жыйгъан. Онда гьар ерден гелтирилген 20 минг адам ишлей болгъан. Гёзел имаратны тамлары минглер булан багьалы жавгьар ташлар булан безендирилген,акъ мармарташдан ишленген ва къара мармарны уьстюне накъышлап язывлар этилген. Кёп сюйген олжасы Арзуман-бануну къабур ташыны уьстюнде жавгьар ташлар булан безендирилген багьалы къумач тутулгъан. Къаланы жабары лтындан этилген деп айтыла. Къабурну багьалы ташларын урлама айланагъанлар да аз болмагъан, тек бугюнге ерли о къорулуп сакълангъан. Оьзю шагь да, гечингенде, къалада уьягьлюсюню къырыйында гёмюлген. Айтагъаныкъ, къаланы ичинде янгыз 2 къабур бар. Мавзолей бугюн бутюн тюрк утюн инсанлыкъны гьайранлыкъгъа къойгъан бир жавгьары, муъжизасы санала. Бу къаланы Осман империяны тюрк архитектору, дизайнери Исмаил Афанди (Исмаил Хан) къургъан. Таж-Махал бугунде де гёрме гелгенлени гьайранлыкъгъа къалдыра, дюньяда лап арив, сыйлы имарат деп гьисап этиле.
Байланывлар[edit | edit source]